മികച്ച താരം മെസ്സി,ദി ഗാർഡിയന്റെ 100 താരങ്ങളിൽ പോലും ഇടം നേടാനാവാതെ ക്രിസ്റ്റ്യാനോ റൊണാൾഡോ!
ലയണൽ മെസ്സിയെ സംബന്ധിച്ചിടത്തോളം അദ്ദേഹത്തിന്റെ കരിയറിലെ ഒരു സുവർണ്ണ വർഷമായിരുന്നു കഴിഞ്ഞവർഷം. ഖത്തർ വേൾഡ് കപ്പ് കിരീടം നേടാൻ കഴിഞ്ഞത് തന്നെയാണ് അദ്ദേഹത്തിന്റെ ഏറ്റവും വലിയ നേട്ടം. അതിന് പിന്നാലെ കഴിഞ്ഞ വർഷത്തെ ഏറ്റവും മികച്ച താരമായി കൊണ്ട് പലരും ലയണൽ മെസ്സിയെ തിരഞ്ഞെടുത്തിരുന്നു. നിരവധി പുരസ്കാരങ്ങൾ ഇതിനോടകം തന്നെ മെസ്സിയെ തേടിയെത്തിയിരുന്നു.
ഇപ്പോഴിതാ പ്രമുഖ മാധ്യമമായ ദി ഗാർഡിയനും കഴിഞ്ഞ വർഷത്തെ ഏറ്റവും മികച്ച താരമായി കൊണ്ട് ലയണൽ മെസ്സിയെ തിരഞ്ഞെടുത്തിട്ടുണ്ട്. താരത്തിന്റെ മികച്ച പ്രകടനം തന്നെയാണ് ഈ പുരസ്കാരം എത്തിച്ചു നൽകിയിട്ടുള്ളത്. രണ്ടാം സ്ഥാനം കിലിയൻ എംബപ്പെയാണ് കരസ്ഥമാക്കിയിട്ടുള്ളത്. നിലവിലെ ബാലൻ ഡിയോർ ജേതാവായ ബെൻസിമയാണ് മൂന്നാം സ്ഥാനം നേടിയിട്ടുള്ളത്.ഏതായാലും ആദ്യ 10 സ്ഥാനങ്ങളിൽ ഉള്ളവരെ പരിശോധിക്കാം.
Lionel Messi ends up as the clear winner in our top 100 footballers vote, with 76% (156 out of 206 judges) of our panel picking him as their No 1.
— Guardian sport (@guardian_sport) January 27, 2023
By @m_christenson https://t.co/kEw0p1xUev
1- ലയണൽ മെസ്സി
2-കിലിയൻ എംബപ്പെ
3- കരീം ബെൻസിമ
4-എർലിംഗ് ഹാലന്റ്
5-ലൂക്ക മോഡ്രിച്ച്
6-കെവിൻ ഡി ബ്രൂയിന
7-റോബർട്ട് ലെവന്റോസ്ക്കി
8-വിനീഷ്യസ് ജൂനിയർ
9-തിബോട്ട് കോർട്ടുവ
10-മുഹമ്മദ് സലാ
ഇവരാണ് ആദ്യപത്ത് സ്ഥാനങ്ങളിൽ ഇടം നേടിയിട്ടുള്ളത്. ബ്രസീലിയൻ സൂപ്പർതാരമായ നെയ്മർ ജൂനിയർ പന്ത്രണ്ടാം സ്ഥാനമാണ് കരസ്ഥമാക്കിയിട്ടുള്ളത്. അതേസമയം ഈ ആദ്യ 100 പേരിൽ ഇടം നേടാൻ പോലും മറ്റൊരു സൂപ്പർതാരമായ ക്രിസ്റ്റ്യാനോ റൊണാൾഡോക്ക് കഴിഞ്ഞിട്ടില്ല. അത് അദ്ദേഹത്തിന്റെ ആരാധകർക്ക് വളരെയധികം നിരാശ നൽകുന്ന ഒരു കാര്യമാണ്.
