ക്രിസ്റ്റ്യാനോ vs മെസ്സി പോരാട്ടം ഈ മാസം തന്നെ, പ്രധാനപ്പെട്ട മത്സരങ്ങളുടെ തിയ്യതികൾ അറിയാം !

ഈ സീസണിലെ യുവേഫ ചാമ്പ്യൻസ് ലീഗ് ഗ്രൂപ്പ്‌ സ്റ്റേജ് മത്സരങ്ങൾക്കുള്ള തിയ്യതികൾ യുവേഫ പുറത്തു വിട്ടു. ഗ്രൂപ്പ്‌ സ്റ്റേജ് മത്സരങ്ങളുടെ സമയവും തിയ്യതിയുമാണ് യുവേഫ ഇപ്പോൾ പുറത്തു വിട്ടിരിക്കുന്നത്. സൂപ്പർ താരങ്ങളായ മെസ്സിയും റൊണാൾഡോയും നേർക്കുനേർ വരുന്ന മത്സരം ഈ മാസം തന്നെ ഉണ്ടാവുമെന്നത് ഫുട്ബോൾ പ്രേമികൾക്ക് ആവേശം പകരുന്ന ഒന്നാണ്. ഒക്ടോബർ 29 നാണ് ഇരുവരും തമ്മിൽ ആദ്യമായി ഏറ്റുമുട്ടുന്നത്. യുവന്റസിന്റെ മൈതാനമായ ട്യൂറിനിൽ വെച്ച് ഇന്ത്യൻ സമയം പുലർച്ചെ 1:30 നാണ് മത്സരം. പിന്നീട് രണ്ടാം പാദ മത്സരം ഡിസംബർ ഒമ്പതിനാണ് നടക്കുക. ഇന്ത്യൻ സമയം പുലർച്ചെ 1:30 ന് ക്യാമ്പ് നൗവിൽ വെച്ചാണ് ഈ മത്സരം അരങ്ങേറുക.

പ്രധാനപ്പെട്ട മത്സരങ്ങളുടെ ആദ്യപാദ തിയ്യതികൾ താഴെ നൽകുന്നു.

പിഎസ്ജി vs മാഞ്ചസ്റ്റർ യുണൈറ്റഡ് ( ഒക്ടോബർ 21-ബുധൻ – ഇന്ത്യൻ സമയം 12:30)

ചെൽസി vs സെവിയ്യ (ഒക്ടോബർ 21-ബുധൻ -ഇന്ത്യൻ സമയം 12:30)

ബയേൺ vs അത്ലെറ്റിക്കോ മാഡ്രിഡ്‌ (ഒക്ടോബർ 22-വ്യാഴം -ഇന്ത്യൻ സമയം 12:30)

അയാക്സ് vs ലിവർപൂൾ (ഒക്ടോബർ 22-വ്യാഴം -ഇന്ത്യൻ സമയം 12:30)

യുവന്റസ് vs ബാഴ്‌സ (ഒക്ടോബർ 29-വ്യാഴം – ഇന്ത്യൻ സമയം 1:30)

റയൽ മാഡ്രിഡ്‌ vs ഇന്റർ മിലാൻ (നവംബർ 4-ബുധൻ -1:30)