CR7ന്റെ അന്ത്യപോരാട്ടത്തിന് പോർച്ചുഗൽ റെഡി; ലോകകപ്പ് സ്‌ക്വോഡ് പ്രഖ്യാപിച്ചു!

     ഫുട്ബോൾ ലോകം കാത്തിരുന്ന ആ പ്രഖ്യാപനം എത്തിക്കഴിഞ്ഞു. 2026 ഫിഫ ലോകകപ്പിനുള്ള ശക്തമായ 26 അംഗ പോർച്ചുഗൽ ടീമിനെ പരിശീലകൻ റോബർട്ടോ മാർട്ടിനെസ് പ്രഖ്യാപിച്ചു. എല്ലാവരും ആകാംഷയോടെ ഉറ്റുനോക്കിയതുപോലെ, ഇതിഹാസ താരം ക്രിസ്റ്റ്യാനോ റൊണാൾഡോ തന്നെയാണ് ഈ സംഘത്തെ മുന്നിൽ നിന്ന് നയിക്കുന്നത്. 41-ാം വയസ്സിലും തന്റെ ആറാം ലോകകപ്പിനായി ബൂട്ട് കെട്ടുന്ന റൊണാൾഡോയ്ക്ക്, ഫുട്ബോൾ കരിയറിലെ പൂർണ്ണതയ്ക്കായുള്ള അവസാനത്തെയും ഏറ്റവും പ്രധാനപ്പെട്ടതുമായ പോരാട്ടമാണിത്.
യുവത്വത്തിന്റെ കരുത്തും പരിചയസമ്പന്നരുടെ തന്ത്രങ്ങളും കോർത്തിണക്കിയ മികച്ചൊരു നിരയെയാണ് മാർട്ടിനെസ് ഇത്തവണ അമേരിക്ക, മെക്സിക്കോ, കാനഡ എന്നീ രാജ്യങ്ങളിലായി നടക്കുന്ന ലോകകപ്പ് വേദികളിലേക്ക് അയക്കുന്നത്.ബ്രൂണോ ഫെർണാണ്ടസ്, ബെർണാർഡോ സിൽവ, റൂബൻ ഡയസ് തുടങ്ങിയ ലോകോത്തര താരങ്ങൾക്കൊപ്പം റാഫേൽ ലിയാവോ, ജോവോ നെവസ് തുടങ്ങിയ യുവതുർക്കികളും ചേരുമ്പോൾ ടൂർണമെന്റിലെ ഏറ്റവും കരുത്തുറ്റ ടീമുകളിലൊന്നായി പോർച്ചുഗൽ മാറുന്നു. യോഗ്യതാ മത്സരങ്ങളിൽ ഉടനീളം തകർപ്പൻ ഫോം പുറത്തെടുത്ത ടീം, ഗ്രൂപ്പ് ‘കെ’യിലാണ് (Group K) ഇത്തവണ മത്സരിക്കുന്നത്. കൊളംബിയ, ഉസ്ബെക്കിസ്ഥാൻ, ഡി.ആർ കോംഗോ എന്നിവരാണ് ഗ്രൂപ്പിലെ മറ്റ് ടീമുകൾ. ജൂൺ 17-ന് ഹൂസ്റ്റണിൽ വെച്ച് ഡി.ആർ കോംഗോയ്ക്കെതിരെയാണ് പോർച്ചുഗലിന്റെ ലോകകപ്പ് കാമ്പെയ്ൻ ആരംഭിക്കുന്നത്.
തന്റെ ട്രോഫി കാബിനറ്റിൽ ഇല്ലാത്ത ഒരേയൊരു ലോകകിരീടം എന്ന സ്വപ്നം സാക്ഷാത്കരിക്കാൻ റൊണാൾഡോയ്ക്കും സംഘത്തിനും സാധിക്കുമോ എന്ന് കാത്തിരുന്ന് കാണാം!



     2026 ഫിഫ ലോകകപ്പിന് മുന്നോടിയായി പോർച്ചുഗലിന് രണ്ട് പ്രധാന സന്നാഹ മത്സരങ്ങൾ (International Friendlies) നിശ്ചയിച്ചിട്ടുണ്ട്.
ജൂൺ 6 ന് ചിലിക്കെതിരെയും 11 ന് നൈജീരിയക്കെതിരെയുമാണ് ആ മത്സരങ്ങൾ.  



Goalkeepers  – Diogo Costa (FC Porto), José Sá (Wolverhampton Wanderers), Rui Silva (Sporting CP); Ricardo Velho (Genclerbirligi Ankara);

Defenders  – Diogo Dalot (Manchester United); Matheus Nunes (Manchester City), Nélson Semedo (Fenerbahce SK), João Cancelo (FC Barcelona), Nuno Mendes (PSG), Gonçalo Inácio (Sporting CP), Renato Veiga (Villarreal); Rúben Dias (Manchester City); Tomás Araújo (SL Benfica);

Midfielders –  Rúben Neves (Al Hilal), Samuel Costa (Mallorca), João Neves (PSG), Vitinha (PSG), Bruno Fernandes (Manchester United), Bernardo Silva (Manchester City);

Forwards  – João Félix (Al Nassr), Francisco Trincão (Sporting CP), Francisco Conceição (Juventus), Pedro Neto (Chelsea), Rafael Leão (AC Milan), Gonçalo Guedes (Real Sociedad), Gonçalo Ramos (PSG); Cristiano Ronaldo (Al Nassr).