മെസ്സിയെക്കാൾ കൂടുതൽ വിജയതൃഷ്ണതയുള്ളത് ക്രിസ്റ്റ്യാനോക്ക്: ഇരുവർക്കുമൊപ്പം കളിച്ച താരം പറയുന്നു.

ഫുട്ബോൾ ലോകത്തെ ഇതിഹാസങ്ങളായ ലയണൽ മെസ്സി,ക്രിസ്റ്റ്യാനോ റൊണാൾഡോ എന്നിവർക്കൊപ്പം കളിക്കാൻ ഭാഗ്യം ലഭിച്ചിട്ടുള്ള സൂപ്പർതാരമാണ് ട്രിൻക്കാവോ. പോർച്ചുഗലിന്റെ ദേശീയ ടീമിലാണ് ഇദ്ദേഹം ക്രിസ്റ്റ്യാനോക്കൊപ്പം കളിച്ചിട്ടുള്ളത്.അതേസമയം ബാഴ്സലോണയിൽ ഇദ്ദേഹം ഒരു സീസൺ കളിച്ചിട്ടുണ്ട്. അന്ന് ലയണൽ മെസ്സിക്കൊപ്പം ട്രിൻക്കാവോ ഡ്രസിങ് റൂം ഷെയർ ചെയ്യുകയും ചെയ്തിരുന്നു. നിലവിൽ പോർച്ചുഗീസ് ക്ലബ്ബായ സ്പോർട്ടിംഗ് സിപിയിലാണ് ട്രിൻക്കാവോയുള്ളത്.

മെസ്സി,ക്രിസ്റ്റ്യാനോ എന്നിവരെക്കുറിച്ച് ചില കാര്യങ്ങൾ ട്രിൻക്കാവോ പറഞ്ഞിട്ടുണ്ട്. അതായത് ഈ രണ്ടു താരങ്ങളും വളരെയധികം ഡിമാൻഡ് ചെയ്യുന്നവരാണ് എന്നാണ് ട്രിൻക്കാവോ പറഞ്ഞിട്ടുള്ളത്. എന്നാൽ ലയണൽ മെസ്സിയെക്കാൾ കൂടുതൽ വിജയതൃഷ്ണതയുള്ളത് റൊണാൾഡോക്ക് ആണെന്നും ഇദ്ദേഹം കൂട്ടിച്ചേർത്തിട്ടുണ്ട്.ട്രിൻക്കാവോയുടെ വാക്കുകൾ ഇങ്ങനെയാണ്.

“ലയണൽ മെസ്സി,ക്രിസ്റ്റ്യാനോ റൊണാൾഡോ എന്നിവരിൽ പൊതുവായി കണ്ടുവരുന്ന ഒരു കാര്യം അവർ രണ്ടുപേരും വളരെയധികം ഡിമാൻഡിങ് എന്നതാണ്.അതായത് മികച്ച പ്രകടനം നടത്താനും വിജയിക്കാനും അവർ ആഗ്രഹിക്കുന്നു. ഇതിൽ തന്നെ വിജയതൃഷ്ണത മെസ്സിയെക്കാൾ ഒരല്പം കൂടുതലാണ് ക്രിസ്റ്റ്യാനോ റൊണാൾഡോക്ക്. പക്ഷേ രണ്ടുപേരും വളരെയധികം ഡിമാൻഡിങ്ങാണ്,എന്ത് വിലകൊടുത്തും വിജയിക്കാൻ ആഗ്രഹിക്കുന്നവരാണ് രണ്ടു താരങ്ങളും ” ഇതാണ് ട്രിൻക്കാവോ പറഞ്ഞിട്ടുള്ളത്.

നിലവിൽ രണ്ട് താരങ്ങളും യൂറോപ്യൻ ഫുട്ബോൾ അവസാനിപ്പിച്ചിട്ടുണ്ട്. അമേരിക്കയിലും റൊണാൾഡോ സൗദിയിലും ആണ് ഇപ്പോൾ ഉള്ളത്. കരിയറിന്റെ അവസാന ഘട്ടത്തിലൂടെയാണ് കടന്നുപോയിക്കൊണ്ടിരിക്കുന്നതെങ്കിലും മികച്ച പ്രകടനമാണ് രണ്ടുപേരും നടത്തുന്നത്. ഫിഫ ബെസ്റ്റ് പുരസ്കാര പട്ടികയിൽ ആദ്യ മികച്ച മൂന്നു താരങ്ങളിൽ ഇടം നേടാൻ മെസ്സിക്ക് സാധിച്ചിരുന്നു.