ഫ്രാൻസിനെ തകർത്ത് സ്പെയിൻ ലോകകപ്പ് ഫൈനലിൽ

ഫിഫ ലോകകപ്പ് 2026 ഒന്നാം സെമിഫൈനലിൽ കരുത്തരായ ഫ്രാൻസിനെ മറുപടിയില്ലാത്ത രണ്ട് ഗോളുകൾക്ക് തകർത്ത് സ്പെയിൻ കലാശപ്പോരാട്ടത്തിന് യോഗ്യത നേടി. മികച്ച ഫോമിലുള്ള സ്പാനിഷ് പടയ്ക്ക് മുന്നിൽ ഫ്രഞ്ച് നിരയ്ക്ക് ഒന്നുപിടിച്ചുനിൽക്കാൻ പോലും സാധിച്ചില്ല.

മത്സരത്തിന്റെ 22-ാം മിനിറ്റിൽ ലഭിച്ച പെനാൽറ്റി കൃത്യമായി വലയിലെത്തിച്ച് മിഖേൽ ഒയാർസബാൽ (M. Oyarzabal) സ്പെയിന് ലീഡ് സമ്മാനിച്ചു.58-ാം മിനിറ്റിൽ പെഡ്രോ പോറോ (P. Porro) നേടിയ മനോഹരമായ ഗോൾ സ്പെയിന്റെ വിജയം ഉറപ്പിച്ചു.എംബാപ്പെയുടെ നേതൃത്വത്തിലിറങ്ങിയ ഫ്രഞ്ച് പടയ്ക്ക് സ്പാനിഷ് പ്രതിരോധം ഭേദിക്കാൻ കഴിഞ്ഞില്ല. 90 മിനിറ്റിലും അവർക്ക് സ്കോർ ബോർഡ് ചലിപ്പിക്കാനായില്ല.

​ഈ തകർപ്പൻ വിജയത്തോടെ സ്പെയിൻ ലോകകപ്പിന്റെ ഫൈനലിലേക്ക് മുന്നേറിയപ്പോൾ, മുൻ ചാമ്പ്യന്മാരായ ഫ്രാൻസ് സെമിഫൈനലിൽ പുറത്തായി മടങ്ങേണ്ടി വന്നു.