ആർതർ യുവെൻ്റസിൽ സൈൻ ചെയ്തു, ഔദ്യോഗിക പ്രഖ്യാപനം ഉടൻ
ആർതർ മെലോ യുവെൻ്റസിൽ ചേർന്നു. 2025 വരെയാണ് കരാറുള്ളത്. ഇക്കാര്യം പ്രമുഖ മാധ്യമങ്ങളെല്ലാം ഇന്നലെ രാത്രി വൈകി റിപ്പോർട്ട് ചെയ്തിട്ടുണ്ട്. എന്നാൽ FC ബാഴ്സലോണയോ യുവെൻ്റസോ ഇക്കാര്യം ഔദ്യോഗികമായി ഇതുവരെ സ്ഥിരീകരിച്ചിട്ടില്ല. ഇന്ന് ഇരു ക്ലബ്ബുകളും ഇതിനെക്കുറിച്ച് ഔദ്യോഗിക പ്രഖ്യാപനം നടത്തുമെന്നാണ് പ്രതീക്ഷിക്കപ്പെടുന്നത്.
Arthur has signed his contract as new Juventus player until June 2025. Medicals ok also for Miralem Pjanic with Barça. 🤝 #transfers #Juventus #FCB
— Fabrizio Romano (@FabrizioRomano) June 28, 2020
23 കാരനായ ആർതർ ഇന്നലെ ടൂറിനിലെത്തി മെഡിക്കൽ ടെസ്റ്റിന് വിധേയനായിരുന്നു. അതിന് ശേഷമാണ് 5 വർഷത്തെ കരാറിൽ ഒപ്പ് വെച്ചത്. 5 മില്ല്യൺ യൂറോയായിരിക്കും താരത്തിൻ്റെ വാർഷിക പ്രതിഫലം, ഇതിന് പുറമെ ബോണസായും നല്ലൊരു തുക താരത്തിന് ലഭിക്കും. ഇതോടൊപ്പം തന്നെ മിറലം പ്യാനിക്ക് ബാഴ്സയിൽ സൈൻ ചെയ്തിട്ടുണ്ട്. 70 മില്ല്യൺ യൂറോയാണ് ബാഴ്സ ആർതറിന് വിലയിട്ടത്, 60 മില്യണാണ് പ്യാനിക്കിൻ്റെ മൂല്ല്യം. പുതിയ ക്ലബ്ബുകളിൽ സൈൻ ചെയ്തെങ്കിലും ഇരു താരങ്ങളും ഈ സീസൺ അവസാനിക്കും വരെ നിലവിലെ ക്ലബ്ബുകളിൽ തുടരും.
