വേൾഡ് കപ്പ് ഫൈനലിൽ അർജന്റീനയെ തോൽപ്പിച്ച് കിരീടം നേടുമെന്ന് മെസ്സിയോട് പറഞ്ഞിട്ടുണ്ട്: നെയ്മർ

ഖത്തർ വേൾഡ് കപ്പിന് ഇനി കേവലം മൂന്ന് ദിവസം മാത്രം അവശേഷിക്കെ വേൾഡ് കപ്പുമായി ബന്ധപ്പെട്ട പ്രതീക്ഷകളും ആഗ്രഹങ്ങളുമൊക്കെ ഒരുപാട് പേർ പങ്കുവെച്ചിട്ടുണ്ട്.അർജന്റീന,ബ്രസീൽ,ഫ്രാൻസ് എന്നിവർക്ക് സാധ്യത കൽപ്പിക്കപ്പെടുന്നതിനോടൊപ്പം തന്നെ ജർമ്മനിയും സ്പെയിനും ഇംഗ്ലണ്ടുമൊക്കെ വളരെയധികം ശക്തരാണ്.

എന്തായാലും സൂപ്പർതാരം നെയ്മർ ജൂനിയർ ഈയിടെ ഒരു അഭിമുഖം നൽകിയിരുന്നു. സഹതാരം ലയണൽ മെസ്സിയെ കുറിച്ച് നെയ്മർ ഇപ്പോൾ ചില കാര്യങ്ങൾ പറഞ്ഞിട്ടുണ്ട്. വേൾഡ് കപ്പ് ഫൈനലിൽ അർജന്റീന ലഭിച്ചാൽ നിങ്ങളെ പരാജയപ്പെടുത്തി കൊണ്ട് കിരീടം ചൂടുമെന്ന് മെസ്സിയോട് തമാശ രൂപേണ പറയാറുണ്ട് എന്നാണ് നെയ്മർ പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ഞങ്ങൾ ഖത്തർ വേൾഡ് കപ്പിനെ കുറിച്ച് കൂടുതലൊന്നും ചർച്ച ചെയ്തിട്ടില്ല. പക്ഷേ തമാശ രൂപേണ ചിലപ്പോഴൊക്കെ സംസാരിക്കാറുണ്ട്.ഫൈനലിൽ ബ്രസീലും അർജന്റീനയും ഏറ്റുമുട്ടുകയാണെങ്കിൽ നിങ്ങളെ തോൽപ്പിച്ചുകൊണ്ട് ഞാൻ കിരീടം നേടുമെന്നുള്ളത് മെസ്സിയോട് പറഞ്ഞിരുന്നു.അദ്ദേഹം ചിരിക്കുകയാണ് ചെയ്തത്. ലയണൽ മെസ്സിക്കൊപ്പവും എംബപ്പേക്കൊപ്പവും കളിക്കുക എന്നുള്ളത് വളരെയധികം സന്തോഷം നൽകുന്ന ഒരു കാര്യമാണ് ” ഇതാണ് നെയ്മർ പറഞ്ഞിട്ടുള്ളത്.

അർജന്റീനയും ബ്രസീലും ഗ്രൂപ്പ് ചാമ്പ്യന്മാരായി കൊണ്ട് മുന്നേറുകയാണെങ്കിൽ സെമി ഫൈനലിൽ ഇരുവരും ഏറ്റുമുട്ടാനുള്ള സാധ്യതയുണ്ട്. ഏതായാലും ശക്തമായ ടീമുമായാണ് അർജന്റീനയും ബ്രസീലും ഇത്തവണത്തെ വേൾഡ് കപ്പിന് എത്തുന്നത്.