മെസ്സിയെത്തി, അർജന്റീനയുടെ സാധ്യത ഇലവൻ ഇങ്ങനെ!

ഈ മാസത്തെ വേൾഡ് കപ്പ്‌ യോഗ്യത മത്സരങ്ങൾക്കുള്ള ഒരുക്കത്തിലാണ് അർജന്റൈൻ ടീം നിലവിലുള്ളത്. ഈ ടീമിനോടൊപ്പം സൂപ്പർ താരം ലയണൽ മെസ്സി ചേർന്നിട്ടുണ്ട്. പിഎസ്ജിയിലെ തന്റെ സഹതാരങ്ങളായ എയ്ഞ്ചൽ ഡി മരിയ, ലിയാൻഡ്രോ പരേഡസ് എന്നിവർക്കൊപ്പമാണ് മെസ്സി കഴിഞ്ഞ ദിവസം അർജന്റൈൻ ടീമിലേക്ക് എത്തിയത്.ഇവർ മൂന്ന് പേരും പരിശീലനം ആരംഭിക്കുകയും ചെയ്തിട്ടുണ്ട്.

പരാഗ്വക്കെതിരെയാണ് അർജന്റീന ആദ്യ മത്സരം കളിക്കുന്നത്.വെള്ളിയാഴ്ച്ച പുലർച്ചെ ഇന്ത്യൻ സമയം 5:30-നാണ് ഈ മത്സരം അരങ്ങേറുക. ഏതായാലും ഈ മത്സരത്തിനുള്ള ഒരു സാധ്യത ഇലവൻ ഇപ്പോൾ മുണ്ടോ ആൽബിസെലസ്റ്റ പുറത്ത് വിട്ടിട്ടുണ്ട്. അതിങ്ങനെയാണ്.

Emiliano Martínez; Montiel, Romero, Otamendi, Acuña; De Paul, Paredes, Lo Celso; Di María, Lautaro Martínez and Messi

ഏതായാലും മികച്ച രൂപത്തിലാണ് സ്കലോണിയും സംഘവും കളിച്ചു കൊണ്ടിരിക്കുന്നത്. വിജയകുതിപ്പ് തുടരൽ തന്നെയാവും അർജന്റീനയുടെ ലക്ഷ്യം.