ഫാമിലി ടൈം പണിയായോ? മെസ്സിയുടെ കാര്യത്തിൽ ആശങ്ക പ്രകടിപ്പിച്ച് ആരാധകർ!

ഇന്ന് കോപ്പ അമേരിക്കയിൽ നടന്ന ആദ്യ മത്സരത്തിൽ വിജയം നേടാൻ നിലവിലെ ചാമ്പ്യന്മാരായ അർജന്റീനക്ക് സാധിച്ചിരുന്നു.എതിരില്ലാത്ത രണ്ട് ഗോളുകൾക്കാണ് അർജന്റീന കാനഡയെ തോൽപ്പിച്ചത്.ഹൂലിയൻ ആൽവരസ്,ലൗറ്ററോ മാർട്ടിനസ് എന്നിവരാണ് അർജന്റീനക്ക് വേണ്ടി ഗോളുകൾ നേടിയത്.മാക്ക് ആല്ലിസ്റ്റർ,മെസ്സി എന്നിവർ ഓരോ അസിസ്റ്റുകൾ വീതം സ്വന്തമാക്കുകയായിരുന്നു.ആദ്യ മത്സരത്തിൽ വിജയിച്ചു കൊണ്ട് തുടങ്ങാനായി എന്നത് അർജന്റീനക്ക് സന്തോഷം നൽകുന്ന കാര്യമാണ്.

മെസ്സി മത്സരത്തിൽ മികച്ച പ്രകടനമാണ് നടത്തിയിട്ടുള്ളത്. അർജന്റീന നേടിയ 2 ഗോളുകളുടെ പുറകിലും മെസ്സിയുടെ സാന്നിധ്യമുണ്ട്.പക്ഷേ രണ്ട് ഗോൾഡൻ ചാൻസുകൾ മെസ്സി പാഴാക്കിയിരുന്നു. ഗോൾകീപ്പർ മാത്രം മുന്നിൽ നിൽക്കെ ഗോളാക്കി മാറ്റാൻ സാധിക്കുമായിരുന്ന രണ്ട് അവസരങ്ങളാണ് മെസ്സി പാഴാക്കിയത്. അത് ആരാധകരെ ഒരല്പം അത്ഭുതപ്പെടുത്തിയ കാര്യമായിരുന്നു.കാരണം മെസ്സിയിൽ നിന്നും അങ്ങനെ കാണാത്ത ഒന്നാണ് ഇന്ന് സംഭവിച്ചിട്ടുള്ളത്.

ഇതുമായി ബന്ധപ്പെട്ട ഒരുപാട് ആശങ്കകൾ സാമൂഹിക മാധ്യമങ്ങളിൽ ആരാധകർ കമന്റ് ആയി കൊണ്ട് രേഖപ്പെടുത്തിയിട്ടുണ്ട്. പ്രമുഖ ഇംഗ്ലീഷ് മാധ്യമമായ ഡെയിലി മെയിൽ ഇക്കാര്യം റിപ്പോർട്ട് ചെയ്തിട്ടുണ്ട്.അതിലെ കമന്റുകൾ നമുക്കൊന്ന് പരിശോധിക്കാം.

ഫാമിലി ടൈമാണ് മെസ്സിക്ക് തിരിച്ചടിയായിട്ടുള്ളത്. കുട്ടികളോടൊപ്പം കൂടുതൽ സമയം ചിലവഴിച്ച് ഫുട്ബോളിൽ നിന്നും മെസ്സിയുടെ ശ്രദ്ധ മാറി എന്നാണ് ഒരു ആരാധകന്റെ കമന്റ്.

പരിക്കുകളും പ്രായവും അദ്ദേഹത്തിലെ ഫിനിഷറെ തളർത്തി കളഞ്ഞിരിക്കുന്നു. പക്ഷേ അദ്ദേഹത്തിന്റെ പ്ലേ മേക്കിങ് ഇപ്പോഴും കിടിലനാണ് എന്നാണ് ഒരു ആരാധകൻ എഴുതിയിരിക്കുന്നത്.

തന്റെ ജീവിതത്തിൽ ആദ്യമായി കൊണ്ടാണ് മെസ്സി രണ്ട് സുവർണാവസരങ്ങൾ നഷ്ടപ്പെടുത്തുന്നത് താൻ കാണുന്നത് എന്നാണ് ഒരാൾ എഴുതിയിരിക്കുന്നത്.മെസ്സിയിലെ ഇന്ധനം തീർന്നു തുടങ്ങിയിരിക്കുന്നു, അദ്ദേഹത്തിന് പ്രായമായി തുടങ്ങിയിരിക്കുന്നു എന്ന യാഥാർത്ഥ്യം ഒരാൾ പങ്കുവെക്കുന്നുണ്ട്. അതേസമയം അമേരിക്കൻ ലീഗാണ് ലയണൽ മെസ്സിയെ നശിപ്പിച്ചതെന്ന് ഒരാൾ അഭിപ്രായപ്പെടുകയും ചെയ്തിട്ടുണ്ട്.

ഇങ്ങനെ മെസ്സി നഷ്ടപ്പെടുത്തിയ അവസരങ്ങളിൽ ആരാധകരുടെ ആശങ്ക വളരെയേറെയുണ്ട്.എന്നാൽ ഇതിൽ മെസ്സി തന്നെ ഒരു വിശദീകരണം നൽകിയിരുന്നു. പെനാൽറ്റി ഏരിയയിൽ തനിക്ക് ശാന്തതയുടെ ഒരു കുറവുണ്ടായിരുന്നു എന്നാണ് പക്ഷേ ഇതേക്കുറിച്ച് പറഞ്ഞിട്ടുള്ളത്.അടുത്ത മത്സരത്തിൽ മെസ്സി കൂടുതൽ മികവോടുകൂടി തിരിച്ചെത്തും എന്ന പ്രതീക്ഷയിലാണ് ആരാധകർ ഉള്ളത്.