തനിക്ക് ലഭിച്ച ഏറ്റവും മികച്ച അംഗീകാരങ്ങളിൽ ഒന്ന്: അർജന്റീനയോട് നന്ദി പറഞ്ഞ് ലയണൽ മെസ്സി!

കഴിഞ്ഞ പനാമക്കെതിരെയുള്ള മത്സരത്തിൽ അർജന്റീനയുടെ നായകനായ ലയണൽ മെസ്സി തകർപ്പൻ പ്രകടനമായിരുന്നു നടത്തിയിരുന്നത്.ഒരു ഗോൾ അദ്ദേഹം നേടിയിരുന്നു. മാത്രമല്ല അൽമേഡ നേടിയ ഗോളിന് പുറകിലും ലയണൽ മെസ്സിയുടെ സാന്നിധ്യം ഉണ്ടായിരുന്നു.കരിയറിൽ ആകെ 800 ഗോളുകൾ പൂർത്തിയാക്കാനും മെസ്സിക്ക് ഈ മത്സരത്തിൽ സാധിച്ചിരുന്നു.

ഈ മത്സരത്തിനു ശേഷം വേൾഡ് കപ്പ് ജേതാവായ ലയണൽ മെസ്സിയെ അർജന്റീന ഫുട്ബോൾ അസോസിയേഷൻ ആദരിച്ചിരുന്നു.ഇതിന് പിന്നാലെ മറ്റൊരു ബഹുമതി കൂടി ഇപ്പോൾ ലയണൽ മെസ്സിയെ തേടി എത്തിയിട്ടുണ്ട്. അതായത് അർജന്റീനയിൽ ലയണൽ മെസ്സി എന്ന നാമം ഇനി അനശ്വരമാണ്.എല്ലാ കാലവും അത് നിലനിൽക്കും. എന്തെന്നാൽ അർജന്റീനയുടെ ട്രെയിനിങ് സെന്റർ ഇനി മെസ്സിയുടെ പേരിലാണ് അറിയപ്പെടുക.

ഇന്നലെയാണ് അർജന്റീന ഫുട്ബോൾ അസോസിയേഷൻ പ്രസിഡണ്ടായ ടാപ്പിയ ഇക്കാര്യം ഫുട്ബോൾ ലോകത്തെ അറിയിച്ചത്. അതായത് അർജന്റീനയുടെ ട്രെയിനിങ് സെന്ററായ എസയ്സ ക്യാമ്പ് പുനർനാമകരണം ചെയ്യപ്പെടുകയായിരുന്നു. ലയണൽ ആൻഡ്രസ് മെസ്സി എന്നാണ് ഇനി ഈ ട്രെയിനിങ് സെന്റർ അറിയപ്പെടുക. ഈ പുതിയ പേരിന്റെ അനാച്ഛാദനം ഇന്നലെ നടന്നിരുന്നു.ടാപ്പിയയും മെസ്സിയും സ്കലോണിയും അർജന്റീന താരങ്ങളുമൊക്കെ ഈ ചടങ്ങിൽ സംബന്ധിച്ചിരുന്നു.

മാത്രമല്ല തനിക്ക് ഈ ബഹുമതി നൽകിയ അർജന്റീനയോട് ഇപ്പോൾ നായകനായ ലയണൽ മെസ്സി നന്ദി പറഞ്ഞിട്ടുണ്ട്. ഈ ചടങ്ങിന്റെ ചിത്രങ്ങൾ അദ്ദേഹം തന്റെ ഇൻസ്റ്റാഗ്രാമിൽ പങ്കുവെക്കുകയായിരുന്നു. എന്നിട്ട് അതിന്റെ ക്യാപ്ഷൻ ആയി കൊണ്ട് ലയണൽ മെസ്സി എഴുതിയിരിക്കുന്നത് ഇങ്ങനെയാണ്.

” എനിക്ക് ലഭിച്ചിട്ടുള്ള ഏറ്റവും മികച്ച,മനോഹരമായ അംഗീകാരങ്ങളിൽ ഒന്നാണ്. ഞാൻ എല്ലാവരോടും വളരെയധികം നന്ദി പറയുന്നു ” ഇതാണ് ലയണൽ മെസ്സി തന്നെ ഇൻസ്റ്റഗ്രാമിൽ എഴുതിയിട്ടുള്ളത്.

ഏതായാലും അർഹിച്ച ഒരു അംഗീകാരം തന്നെയാണ് മെസ്സിയെ ഇപ്പോൾ തേടി എത്തിയിട്ടുള്ളത്. തന്റെ സ്വന്തം പേരിലുള്ള ട്രെയിനിങ് ക്യാമ്പിൽ ആണ് ഇനിമുതൽ മെസ്സി അർജന്റീനക്ക് വേണ്ടി പരിശീലനം നടത്തുക.