എല്ലാവർക്കും ഞങ്ങളെ തോൽപ്പിക്കണം, പക്ഷേ കിരീടം നിലനിർത്താൻ ഞങ്ങൾ സജ്ജരാണ്!  അർജൻ്റൈൻ താരം

    ലോകകപ്പ് പോരാട്ടങ്ങൾക്കിറങ്ങുമ്പോൾ നിലവിലെ ചാമ്പ്യന്മാരായ അർജന്റീനയെ കാത്തിരിക്കുന്നത് കടുത്ത വെല്ലുവിളികളാണെന്ന് തുറന്നുപറഞ്ഞ് ഡിഫെൻഡർ നിക്കോളാസ് താഗ്ലിയാഫിക്കോ. വരാനിരിക്കുന്ന ലോകകപ്പിൽ അർജന്റീനയെ തോൽപ്പിക്കാൻ എല്ലാ ടീമുകളും തങ്ങളുടെ പരമാവധി ശ്രമിക്കുമെന്നും എന്നാൽ അതിനെയെല്ലാം പ്രതിരോധിക്കാൻ ടീമിന് കൃത്യമായ ബോധ്യമുണ്ടെന്നും താരം വ്യക്തമാക്കി. താഗ്ലിയാഫിക്കോ പറയുന്നത് ഇങ്ങനെ:
“ഇത്തവണ എല്ലാവർക്കും ഞങ്ങളെ തോൽപ്പിക്കണമെന്നുണ്ടാകും. കിരീടം നിലനിർത്തുക എന്നത് അത്ര എളുപ്പമുള്ള കാര്യമല്ല. നിലവിലെ ചാമ്പ്യന്മാരായി കളത്തിലിറങ്ങുമ്പോൾ ഉത്തരവാദിത്തങ്ങൾ ഏറെയാണ്. ഞങ്ങളിൽ നിന്നും കിരീടം പിടിച്ചെടുക്കാൻ  എതിരാളികൾ കടുത്ത പ്രതിരോധം തീർക്കുമെന്നുറപ്പാണ്. എന്നാൽ എന്ത് ചെയ്യണം എന്നതിനെക്കുറിച്ച് ഞങ്ങൾക്ക് കൃത്യമായ ധാരണയുണ്ട്.”

      അർജൻ്റീനയുടെ ലോകകപ്പ് പോരാട്ടങ്ങൾക്ക് തുടക്കം കുറിക്കുന്നത് അടുത്ത ചൊവ്വാഴ്ച അൾജീരിയക്കെതിരെയുള്ള മത്സരത്തോടെയാണ്. വീണ്ടുമൊരു ലോകകിരീടം ലക്ഷ്യമിട്ടിറങ്ങുന്ന മെസ്സിക്കും സംഘത്തിനും താഗ്ലിയാഫിക്കോയുടെ ഈ വാക്കുകൾ വലിയ ആത്മവിശ്വാസമാണ് നൽകുന്നത്. കടുത്ത വെല്ലുവിളികളെ അതിജീവിച്ച് അർജന്റീനയ്ക്ക് കിരീടം നിലനിർത്താനാകുമോ എന്നാണ് ഇപ്പോൾ ഫുട്ബോൾ ലോകം ഉറ്റുനോക്കുന്നത്