അർജൻറീന കരുത്തരാണ്; പക്ഷേ ഫ്രാൻസ് ഒട്ടും പിന്നിലല്ല, ലോകകപ്പ് സാധ്യതകൾ വിലയിരുത്തി തിയറി ഹെൻറി

വരാനിരിക്കുന്ന ലോകകപ്പിൽ കിരീടം നിലനിർത്താൻ സാധ്യതയുള്ള ടീമുകളിൽ മുൻനിരയിലാണ് അർജൻറീന എന്ന് ഫ്രഞ്ച് ഫുട്ബോൾ ഇതിഹാസം തിയറി ഹെൻറി . അർജൻറീനയെ ആരും നിസാരമായി കാണരുതെന്നും അദ്ദേഹം പറഞ്ഞു. ഒരു കായിക മാധ്യമത്തിനു നൽകിയ അഭിമുഖത്തിലാണ് ഹെൻറി തന്റെ നിരീക്ഷണങ്ങൾ പങ്കുവെച്ചത്. അർജൻറീന എപ്പോഴും ലോകത്തെ ഏറ്റവും മികച്ച ടീമുകളിൽ ഒന്നാണെന്ന് ഹെൻറി വിശ്വസിക്കുന്നു. ” അർജൻറീന നിലവിലെ ചാമ്പ്യന്മാരാണ്, അവർ ഇപ്പോഴും വളരെ ശക്തമായ ഒരു ടീമായി തുടരുന്നു, എല്ലാത്തിനുമുപരി പത്താം നമ്പർ ജേഴ്സിയിൽ ലയണൽ മെസ്സി അവർക്കൊപ്പം ഉണ്ട് എന്നത് എതിരാളികൾക്ക് വലിയ വെല്ലുവിളിയാണ്. ” എന്നും ഹെൻറി പറയുന്നു. അർജൻറീനയെ പുകഴ്ത്തുമ്പോഴും സ്വന്തം നാടായ ഫ്രാൻസിൻ്റെ കരുത്തിൽ ഹെൻറിക്ക് സംശയമില്ല. കഴിഞ്ഞ രണ്ട് ലോകകപ്പുകളിലും ഫൈനലിൽ എത്തിയ ഫ്രാൻസ് മികച്ച ഫോമിലാണ് എന്ന് അദ്ദേഹം ചൂണ്ടിക്കാട്ടി. കഴിഞ്ഞ 7 ലോകകപ്പുകളിൽ നാലിലും ഫൈനലിൽ എത്തിയ ഫ്രാൻസ് ലോകകപ്പിൽ മികച്ച പ്രകടനം പുറത്തെടുക്കുമെന്നും അദ്ദേഹം കൂട്ടിച്ചേർത്തു.

ലോകകപ്പിന് മാസങ്ങൾ മാത്രം ബാക്കി നിൽക്കെ, ഫുട്ബോൾ ലോകത്തെ ഏറ്റവും കരുത്തരായ രണ്ട് ടീമുകൾ തമ്മിലുള്ള പോരാട്ടം കാണാനാണ് ആരാധകർ കാത്തിരിക്കുന്നത്. ഹെൻറിയുടെ വാക്കുകൾ അർജൻറീനൻ ആരാധകർക്കിടയിൽ വലിയ ആവേശമാണ് ഉണ്ടാക്കിയിരിക്കുന്നത്.