മെസ്സിയുണ്ടാകുമ്പോൾ ഒരു സമാധാനമാണ്, ഞങ്ങൾ അദ്ദേഹത്തെ മിസ്സ് ചെയ്തു :ഡി പോൾ!

വേൾഡ് കപ്പ് യോഗ്യത റൗണ്ടിൽ ഇന്ന് നടന്ന മത്സരത്തിൽ വിജയം നേടാൻ വമ്പന്മാരായ അർജന്റീനക്ക് കഴിഞ്ഞിരുന്നു. ഏകപക്ഷീയമായ ഒരു ഗോളിനായിരുന്നു പരാഗ്വയെ അർജന്റീന പരാജയപ്പെടുത്തിയത്.മത്സരത്തിന്റെ മൂന്നാം മിനിറ്റിൽ തന്നെ നിക്കോളാസ് ഓട്ടമെന്റി നേടിയ ഗോളാണ് അർജന്റീനക്ക് വിജയം സമ്മാനിച്ചത്. മത്സരത്തിന്റെ സ്റ്റാർട്ടിങ് ഇലവനിൽ മെസ്സി ഇല്ലായിരുന്നു.പിന്നീട് രണ്ടാം പകുതിയുടെ തുടക്കത്തിലാണ് മെസ്സി വന്നത്.

ഏതായാലും ലയണൽ മെസ്സി ഇല്ലാതെ കളിക്കളത്തിലേക്ക് വന്നതിനെ കുറിച്ച് ചില കാര്യങ്ങൾ സൂപ്പർതാരമായ റോഡ്രിഗോ ഡി പോൾ പറഞ്ഞിട്ടുണ്ട്. അതായത് ലയണൽ മെസ്സിയെ തങ്ങൾ മിസ്സ് ചെയ്തു എന്നാണ് ഡി പോൾ പറഞ്ഞിട്ടുള്ളത്. മെസ്സിയുണ്ടാകുമ്പോൾ ഒരു സമാധാനമാണെന്നും ഇദ്ദേഹം കൂട്ടിച്ചേർത്തിട്ടുണ്ട്.ഡി പോളിന്റെ വാക്കുകൾ ഇങ്ങനെയാണ്.

” ഞങ്ങൾ എപ്പോഴും അദ്ദേഹത്തെ മിസ്സ് ചെയ്തിരുന്നു.എപ്പോഴും അദ്ദേഹം കളിക്കളത്തിൽ ഉണ്ടായിരിക്കാനാണ് ഞങ്ങൾ ആഗ്രഹിക്കുന്നത്.എന്നെ സംബന്ധിച്ചിടത്തോളം ലയണൽ മെസ്സിക്ക് ഒരു പാസ് നൽകുക എന്നുള്ളത് തന്നെ സന്തോഷം നൽകുന്ന കാര്യമാണ്.അദ്ദേഹത്തിന് അവസരങ്ങൾ ഒരുക്കുന്നതും സന്തോഷം നൽകുന്നതാണ്.അദ്ദേഹം ഉണ്ടാകുമ്പോൾ തന്നെ ഒരു മനസ്സമാധാനമാണ്. അടുത്ത മത്സരത്തിൽ ലയണൽ മെസ്സി സ്റ്റാർട്ടിങ് 11ൽ തിരിച്ചെത്തുമെന്ന് ഞാൻ പ്രതീക്ഷിക്കുന്നു. കാരണം അദ്ദേഹം ഉണ്ടാകുമ്പോൾ ഞങ്ങൾ കൂടുതൽ മികച്ചതാണ് ” ഇതാണ് റോഡ്രിഗോ പറഞ്ഞിട്ടുള്ളത്.

മത്സരത്തിൽ മികച്ച പ്രകടനമാണ് ലയണൽ മെസ്സി പുറത്തെടുത്തിരുന്നത്. അദ്ദേഹത്തിന്റെ ഒരു കോർണർ കിക്കും ഒരു ഫ്രീകിക്കും പോസ്റ്റിൽ തട്ടി പുറത്തുപോയിരുന്നു. നിർഭാഗ്യം കൊണ്ടാണ് ലയണൽ മെസ്സിക്ക് മത്സരത്തിൽ ഗോൾ നേടാനാവാതെ പോയത്.