അത്ഭുതം,അവിശ്വസനീയം, അർജന്റീനയെ മലർത്തിയടിച്ച് സൗദി അറേബ്യ.

ഖത്തർ വേൾഡ് കപ്പിലെ ആദ്യ അട്ടിമറി പിറന്നിരിക്കുന്നു. കിരീട ഫേവറേറ്റുകളായ അർജന്റീനയെ സൗദി അറേബ്യ മലർത്തിയടിച്ചിരിക്കുന്നു. ഒന്നിനെതിരെ 2 ഗോളുകൾക്കാണ് അർജന്റീനയെ സൗദി അറേബ്യ പരാജയപ്പെടുത്തിയിട്ടുള്ളത്. മത്സരത്തിൽ മികച്ച പ്രകടനം കാഴ്ചവച്ച സൗദി അർജന്റീനയെ കൂട്ടുകയായിരുന്നു.

മത്സരത്തിൽ അർജന്റീനയാണ് ആദ്യം ലീഡ് നേടിയത്. തുടക്കത്തിൽ തന്നെ ലഭിച്ച പെനാൽറ്റി ലയണൽ മെസ്സി ലക്ഷ്യത്തിലേക്ക് എത്തിക്കുകയായിരുന്നു.ആദ്യപകുതിയിൽ പിന്നീടും അർജന്റീന മൂന്ന് ഗോളുകൾ നേടിയെങ്കിലും മൂന്നും ആവുകയായിരുന്നു. ആദ്യപകുതിയിൽ ഒരു ഗോളിന്റെ ലീഡിൽ അർജന്റീന കളം വിട്ടു.

രണ്ടാം പകുതിയിൽ കാര്യങ്ങൾ മാറിമറിയുകയായിരുന്നു. തുടക്കത്തിൽ തന്നെ സൗദി അറേബ്യ രണ്ടു ഗോളുകൾ നേടി.49ആം മിനുട്ടിൽ അൽ ഷെഹ്രിയും 53ആം മിനുട്ടിൽ അൽ ദോസരിയും ഗോളുകൾ നേടിയതോടെ സൗദി അറേബ്യ 2-1 മുന്നിലെത്തി. പിന്നീട് ഗോളുകൾ മടക്കാൻ അർജന്റീനക്ക് കഴിയാതെ വന്നതോടെ പരാജയം അർജന്റീന സമ്മതിക്കുകയായിരുന്നു.

ഇതോടെ അർജന്റീനയുടെ 36 മത്സരങ്ങളിലെ അപരാജിത കുതിപ്പും അവസാനിച്ചിട്ടുണ്ട്. ഇനി ഈ ഗ്രൂപ്പിൽ പോളണ്ട്,മെക്സിക്കോ എന്നിവരാണ് അർജന്റീനയുടെ എതിരാളികൾ.