ബാഴ്‌സക്കെതിരെയുള്ള പിഎസ്ജിയുടെ കൂറ്റൻ ജയം, ട്വിറ്ററിൽ ആഘോഷിച്ച് നെയ്മർ!

ഇന്നലെ ചാമ്പ്യൻസ് ലീഗിൽ നടന്ന പ്രീക്വാർട്ടർ ആദ്യപാദ പോരാട്ടത്തിൽ എഫ്സി ബാഴ്സലോണ പിഎസ്ജിക്ക് മുന്നിൽ തകർന്നടിഞ്ഞിരുന്നു. ഒരു ഗോൾ ലീഡ് നേടിയ ശേഷം നാലു ഗോളുകളാണ് ബാഴ്സ പിന്നീട് വഴങ്ങിയത്.സ്വന്തം മൈതാനത്ത് വെച്ചാണ് ബാഴ്‌സ ഈയൊരു നാണംകെട്ട തോൽവി ഏറ്റുവാങ്ങിയത് എന്നോർക്കണം. മാത്രമല്ല പരിക്കേറ്റ സൂപ്പർ താരം നെയ്മർ ജൂനിയറുടെ അഭാവത്തിലും പിഎസ്ജി ബാഴ്‌സയെ നിലംപരിശാക്കുകയായിരുന്നു. മത്സരത്തിൽ കളിക്കാൻ സാധിച്ചില്ലെങ്കിലും തന്റെ ടീമിന്റെ വിജയം ആഘോഷമാക്കിയിരിക്കുകയാണ് നെയ്മർ. തന്റെ മുൻ ക്ലബായ ബാഴ്സക്കെതിരെയുള്ള ജയം ട്വിറ്റെറിലാണ് നെയ്മർ ആഘോഷമാക്കിയത്. ഹാട്രിക് നേടിയ എംബാപ്പെയെയും മികച്ച പ്രകടനം കാഴ്ച്ചവെച്ച പരേഡസിനെയും അഭിനന്ദിക്കാൻ നെയ്മർ മറന്നില്ല.

മത്സരത്തിൽ എംബാപ്പെ പിഎസ്ജിയുടെ സമനില ഗോൾ നേടിയപ്പോഴാണ് നെയ്മറുടെ ആദ്യത്തെ ട്വീറ്റ് വരുന്നത്.Goal, You Beauty എന്നായിരുന്നു നെയ്മറുടെ ട്വീറ്റ്. തുടർന്ന് എംബാപ്പെ ഹാട്രിക് പൂർത്തിയാക്കിയപ്പോഴും മറ്റൊരു ട്വീറ്റുമായി നെയ്മർ പ്രത്യക്ഷപ്പെട്ടു.” എംബാപ്പെ വളരെ നല്ല രീതിയിൽ കളിക്കുന്നു,ഒരു ഹാട്രിക് അദ്ദേഹം കരസ്ഥമാക്കിയിരുന്നു ” എന്നാണ് നെയ്മർ കുറിച്ചത്. പിന്നീട് വമ്പൻ വിജയത്തിന്റെ ഭാഗമായി നെയ്മർ മറ്റൊരു ട്വീറ്റ് കൂടി ചെയ്തു.” ടീമിൽ നിന്ന് എന്തൊരു മികച്ച പ്രകടനമാണ് കാണാനായത്.Paredes is a monster.Cracking player ” എന്നാണ് നെയ്മർ കുറിച്ചത്.