ചാമ്പ്യൻസ് ലീഗ് ഫൈനൽ 2025 /26 കലാശപ്പോരിന് ആഴ്സണൽ vs PSG

ഫുട്ബോൾ ലോകം ആകാംക്ഷയോടെ കാത്തിരുന്ന യുവേഫ ചാമ്പ്യൻസ് ലീഗ് 2025/ 26 സീസണിന്റെ കലാശ പോരാട്ടത്തിന് വേദിയൊരുങ്ങി. ഇംഗ്ലീഷ് കരുത്തരായ ആഴ്സണലും ഫ്രഞ്ച് വമ്പൻമാരായ PSGയും ആണ് ഇത്തവണ കിരീടത്തിനായി പോരാടുന്നത്. ഫൈനലിൽ എത്തിയ ഇരു ടീമുകളുടെയും പ്രകടനങ്ങൾ പരിശോധിച്ചാൽ മികച്ച ഒരു പോരാട്ടമാണ് ആരാധകർ പ്രതീക്ഷിക്കുന്നത്.

14 കളികളിൽ 11 ജയവും 3 സമനിലയുമായി തോൽവി അറിയാതെയാണ് ആഴ്സണൽ ഫൈനലിൽ എത്തിയത്. 29 ഗോളുകൾ അടിച്ച ടീം വഴങ്ങിയത് വെറും 6 ഗോളുകൾക്ക് മാത്രം. 9 കളികളിൽ ഗോൾ വഴങ്ങാതെ ക്ലീൻ ഷീറ്റ് നേടി. 85.7% വിജയശതമാനവുമായി പ്രതിരോധത്തിലും ആക്രമണത്തിലും ഒരുപോലെ തിളങ്ങി.
എന്നാൽ 16 കളികളിൽ നിന്ന് 10 ജയവും 4 സമനിലയും 2 തോൽവിയുമായാണ് പി എസ് ജി യുടെ വരവ്. ഗോൾ അടിക്കാൻ മിടുക്കന്മാരായ പി എസ് ജി, 44 ഗോളുകളാണ് നേടിയത്. ശരാശരി ഒരു കളിയിൽ 2.8 ഗോൾ. എന്നാൽ 22 ഗോളുകൾ വഴങ്ങിയത് അവരുടെ പ്രതിരോധത്തിലെ പാളിച്ച കാണിക്കുന്നു. 62.9% ബോൾ പൊസഷനോടെ കളി നിയന്ത്രിക്കുന്ന ടീമാണ് പി എസ് ജി.
ഒരുഭാഗത്ത് ഗോൾ വഴങ്ങാത്ത ആഴ്സണലിന്‍റെ ഉറച്ച പ്രതിരോധം. മറുഭാഗത്ത് ഗോളടിച്ചു കൂട്ടുന്ന പി എസ് ജിയുടെ ആക്രമണനിര. ഫൈനൽ ആവേശകരമാകുമെന്ന് ഉറപ്പ്. കാത്തിരുന്ന് കാണാം.