world cup ഇന്ത്യയിൽ ഏത് ചാനലിൽ കാണാം? official വിവരങ്ങൾ പുറത്ത്

     ഇന്ത്യയിലെ ഫുട്ബോൾ ആരാധകർക്ക് ഏറെ ആശ്വാസവും ആവേശവും നൽകുന്ന പ്രഖ്യാപനവുമായി സീ എന്റർടൈൻമെന്റ് (Zee Entertainment). വരാനിരിക്കുന്ന 2026 ഫിഫ ലോകകപ്പ് ഉൾപ്പെടെയുള്ള പ്രധാന ഫുട്ബോൾ മാമാങ്കങ്ങളുടെ ഇന്ത്യയിലെ ഔദ്യോഗിക സംപ്രേഷണാവകാശം (Broadcast Rights) ‘സീ’ സ്വന്തമാക്കി. ഇതോടെ ടൂർണമെന്റ് തുടങ്ങാൻ ദിവസങ്ങൾ മാത്രം ബാക്കിനിൽക്കെ നിലനിന്നിരുന്ന അനിശ്ചിതത്വങ്ങൾക്കാണ് വിരാമമായിരിക്കുന്നത്.
   

      ഫിഫയുമായി (FIFA) ഒപ്പുവെച്ച ഈ ചരിത്രപരമായ കരാർ പ്രകാരം അടുത്ത 8 വർഷത്തേക്ക് 39 ആഗോള ഫുട്ബോൾ ഇവന്റുകളാണ് സീ ഗ്രൂപ്പ് ഇന്ത്യൻ ആരാധകരിലേക്ക് എത്തിക്കുന്നത്.
ഇന്ത്യയിലെ ഫുട്ബോൾ പ്രേമികൾക്കായി ടെലിവിഷനിലും ഡിജിറ്റൽ പ്ലാറ്റ്‌ഫോമിലും ഒരേപോലെ മത്സരങ്ങൾ ലഭ്യമാകും.
ടെലിവിഷനിൽ (TV Channels): സീ ഗ്രൂപ്പിന്റെ പുതുതായി പുറത്തിറങ്ങുന്ന Unite8 Sports നെറ്റ്‌വർക്കിലൂടെ മത്സരങ്ങൾ തത്സമയം കാണാം. Unite8 Sports 1, Unite8 Sports 1 HD, Unite8 Sports 2, Unite8 Sports 2 HD എന്നീ ചാനലുകളിലൂടെയാണ് സംപ്രേഷണം.
മൊബൈലിലും ലാപ്ടോപ്പിലും (Live Streaming): ഒടിടി പ്ലാറ്റ്‌ഫോം ആയ Zee5 (സീ5) ആപ്പിലൂടെ മത്സരങ്ങൾ തത്സമയം സ്ട്രീം ചെയ്യാം.
വിവിധ പ്രാദേശിക ഭാഷകളിലുള്ള കമന്ററിയും ഇതിലൂടെ ലഭ്യമാകും.


   ഈ ദീർഘകാല കരാറിലൂടെ താഴെ പറയുന്ന പ്രധാന ടൂർണമെന്റുകളെല്ലാം ഇനി സീ ഗ്രൂപ്പിലൂടെ കാണാൻ സാധിക്കും:
ഫിഫ മെൻസ് വേൾഡ് കപ്പ് 2026 (അമേരിക്ക, കാനഡ, മെക്സിക്കോ രാജ്യങ്ങളിൽ നടക്കുന്നത്)
ഫിഫ വുമൺസ് വേൾഡ് കപ്പ് 2027
ഫിഫ മെൻസ് വേൾഡ് കപ്പ് 2030
ഫിഫ അണ്ടർ-17, അണ്ടർ-20 പുരുഷ-വനിതാ ലോകകപ്പുകൾ, ഫിഫ ഫുട്സൽ ലോകകപ്പ്, ഫിഫ ഇന്റർകോണ്ടിനന്റൽ കപ്പ് എന്നിവയും ഇതിൽ ഉൾപ്പെടുന്നു.
“ഇന്ത്യയിലെ കോടിക്കണക്കിന് വരുന്ന ആരാധകരിലേക്ക് ലോകത്തിലെ ഏറ്റവും വലിയ കായികമാമാങ്കം എത്തിക്കാൻ കഴിഞ്ഞതിൽ വലിയ സന്തോഷമുണ്ടെന്നും, ഫുട്ബോളിന്റെ വളർച്ചയ്ക്ക് ഈ പങ്കാളിത്തം വലിയൊരു അടിത്തറയാകും” എന്നും സീ എന്റർടൈൻമെന്റ് സിഇഒ പുനീത് ഗോയങ്കെ അറിയിച്ചു. വരാനിരിക്കുന്ന ലോകകപ്പ് മത്സരങ്ങൾ ഇന്ത്യൻ സമയപ്രകാരം അർധരാത്രിയിലും പുലർച്ചെയുമായാണ് നടക്കുകയെങ്കിലും, മികച്ച നിലവാരത്തിലുള്ള സംപ്രേഷണം ആരാധകർക്ക് സമ്മാനിക്കാൻ ഒരുങ്ങുകയാണ് സീ ഗ്രൂപ്പ്.