2026 ലോകകപ്പിൽ മൊറോക്കോയെ തകർത്ത് ഫ്രാൻസ്: എംബാപ്പെയും ഡെംബെലെയും തിളങ്ങി

      2026 ഫിഫ ലോകകപ്പിൽ മൊറോക്കോയ്‌ക്കെതിരെ ഫ്രാൻസിന് തകർപ്പൻ വിജയം. ഫുൾ ടൈമിൽ എതിരില്ലാത്ത രണ്ട് ഗോളുകൾക്കാണ് ഫ്രാൻസ് മൊറോക്കോയെ പരാജയപ്പെടുത്തിയത്. ഇരു ടീമുകളും വാശിയോടെ പോരാടിയ മത്സരത്തിന്റെ രണ്ടാം പകുതിയിലാണ് ഫ്രാൻസ് വിജയമുറപ്പിച്ച ഗോളുകൾ നേടിയത്.

     കളിയുടെ 60-ാം മിനിറ്റിൽ സൂപ്പർ താരം കിലിയൻ എംബാപ്പെയാണ് ഫ്രാൻസിനായി ആദ്യ ഗോൾ നേടിയത്.എംബാപ്പെയുടെ ഗോളിന് പിന്നാലെ 66-ാം മിനിറ്റിൽ ഉസ്മാൻ ഡെംബെലെ ഫ്രാൻസിന്റെ ലീഡ് രണ്ടാക്കി ഉയർത്തി.രണ്ട് ഗോളുകൾ വഴങ്ങിയെങ്കിലും മൊറോക്കൻ നിര തിരിച്ചടിക്കാൻ പരമാവധി ശ്രമിച്ചെങ്കിലും ഫ്രഞ്ച് പ്രതിരോധം മറികടക്കാൻ അവർക്കായില്ല.
ഈ വിജയത്തോടെ ഫ്രാൻസ് ടൂർണമെന്റിൽ തങ്ങളുടെ ആധിപത്യം വീണ്ടും തെളിയിച്ചിരിക്കുകയാണ്.