അമേരിക്കൻ മണ്ണിലും മെസ്സി യുഗം: ചരിത്രം കുറിച്ച് ഫുട്ബോൾ മാന്ത്രികൻ

ഫുട്ബോൾ ചരിത്രത്തിലെ റെക്കോർഡുകൾ ഓരോന്നായി തിരുത്തിക്കുറിക്കുന്നത് ലയണൽ മെസ്സിക്ക് ഇപ്പോൾ ഒരു ശീലമായി മാറിയിരിക്കുകയാണ്. അമേരിക്കൻ ലീഗായ എം.എൽ.എസിലും (MLS) ഇപ്പോൾ മെസ്സി തന്റെ ആധിപത്യം ഉറപ്പിച്ചിരിക്കുകയാണ്. ലീഗ് ചരിത്രത്തിൽ ഏറ്റവും വേഗത്തിൽ 100 ഗോൾ കോൺട്രിബ്യൂഷനുകൾ (ഗോൾ + അസിസ്റ്റ്) തികയ്ക്കുന്ന താരം എന്ന റെക്കോർഡാണ് മെസ്സി ഇപ്പോൾ സ്വന്തമാക്കിയിരിക്കുന്നത്.
മുൻപ് സെബാസ്റ്റ്യൻ ജിയോവിൻകോയുടെ പേരിലായിരുന്ന റെക്കോർഡാണ് മെസ്സി വളരെ വേഗത്തിൽ മറികടന്നത്. ഈ നേട്ടത്തിലെത്താൻ മെസ്സിക്ക് വേണ്ടിവന്നത് വെറും 64 മത്സരങ്ങൾ മാത്രമാണ്. ഇതിൽ നിന്ന് തന്നെ മെസ്സിയുടെ പ്രകടനം എത്രത്തോളം മികച്ചതാണെന്ന് നമുക്ക് മനസ്സിലാക്കാം. 64 മത്സരങ്ങൾ,

59 ഗോളുകൾ,
41 അസിസ്റ്റുകൾ,
ആകെ 100 കോൺട്രിബ്യൂഷനുകൾ, എന്നിങ്ങനെയാണ് അദ്ദേഹത്തിൻ്റെ റെക്കോർഡുകൾ.
ഈ നേട്ടത്തോടൊപ്പം തന്നെ തന്റെ പ്രൊഫഷണൽ കരിയറിൽ 907 ഗോളുകൾ എന്ന അവിശ്വസനീയമായ നാഴികക്കല്ലും മെസ്സി പിന്നിട്ടിരിക്കുകയാണ്. പ്രായം കൂടുന്തോറും തന്റെ വീര്യം കുറയുന്നില്ലെന്ന് ഓരോ മത്സരത്തിലൂടെയും മെസ്സി തെളിയിച്ചു കൊണ്ടിരിക്കുന്നു.
ഇന്റർ മയാമി എന്ന ക്ലബ്ബിനെ സംബന്ധിച്ചിടത്തോളം മെസ്സിയുടെ ഓരോ നീക്കവും ടീമിനെ പുതിയ ഉയരങ്ങളിലേക്ക് എത്തിക്കുകയാണ്. ഫുട്ബോൾ ലോകത്തെ ഈ ‘ഒറ്റയാൻ’ ഇനിയും എത്ര റെക്കോർഡുകൾ തകർക്കുമെന്ന് ആകാംക്ഷയോടെ കാത്തിരിക്കുകയാണ് ആരാധകർ.