ഈ ആഴ്ച്ച ബാഴ്സയിലേക്കെത്തണം,ശ്രമങ്ങൾ നടത്തി അർജന്റൈൻ താരം!

ഈ ജനുവരി ട്രാൻസ്ഫർ ജാലകം അടക്കാൻ ഇനി ദിവസങ്ങൾ മാത്രമാണ് അവശേഷിക്കുന്നത്.ബാഴ്സയെ സംബന്ധിച്ചിടത്തോളം ലെഫ്റ്റ് ബാക്ക് പൊസിഷനിൽ ജോർദി ആൽബക്കൊത്ത ഒരു പകരക്കാരനില്ല.ഇതിനാൽ മുമ്പ് തന്നെ അയാക്സിന്റെ അർജന്റൈൻ സൂപ്പർ താരമായ നിക്കോളാസ് ടാഗ്ലിയാഫിക്കോക്ക്‌ വേണ്ടി ബാഴ്സ ശ്രമങ്ങൾ നടത്തിയിരുന്നു.എന്നാലിപ്പോൾ താരം ബാഴ്സയിലേക്ക് ചേക്കേറാനുള്ള ശ്രമങ്ങളിലാണ്.

ഈ ട്രാൻസ്ഫർ ജാലകത്തിൽ തന്നെ ബാഴ്സയിലേക്ക് എത്താനാണ് ടാഗ്ലിയാഫിക്കോ ആഗ്രഹിക്കുന്നത്.അതിന് വേണ്ടി അദ്ദേഹം അയാക്സിനെ പുഷ് ചെയ്യുന്നുമുണ്ട്.പക്ഷെ അയക്സിന് ഒരു സ്ഥിരം ഡീലാണ് വേണ്ടത്,ലോൺ അടിസ്ഥാനത്തിൽ താരത്തെ വിടാൻ അയാക്സ് ഒരുക്കമല്ല.ഇതാണ് തടസമായി നിലകൊള്ളുന്നത്. പ്രമുഖ ഫുട്ബോൾ ജേണലിസ്റ്റായ ഫാബ്രിസിയോ റൊമാനോയാണ് ഇക്കാര്യം പുറത്തുവിട്ടിരിക്കുന്നത്.അദ്ദേഹത്തിന്റെ ട്വീറ്റ് ഇങ്ങനെയാണ്.

“ഈ ആഴ്ച്ച ബാഴ്സയിലേക്ക് എത്താൻ വേണ്ടി നിക്കോളാസ് ടാഗ്ലിടാഫിക്കോ പുഷ് ചെയ്യുന്നുണ്ട്.പക്ഷെ അയാക്സ് ഇപ്പോഴും ആവിശ്യപ്പെടുന്നത് ഒരു പെർമെനന്റ് ഡീലാണ്.പക്ഷെ ബാഴ്സ ലോൺ ഡീലിനെ കുറിച്ച് മാത്രമാണ് ചിന്തിക്കുന്നത്.സാധ്യമായ എത്രയും വേഗത്തിൽ ബാഴ്സയിലേക്ക് ചേക്കേറാനാണ് ടാഗ്ലിയാഫിക്കോ ആഗ്രഹിക്കുന്നത്.അയാക്സ് തന്നെ പോവാൻ അനുവദിക്കുമെന്നും ഇത് കരിയറിലെ വലിയ ഒരു അവസരമാണ് എന്നുമാണ് അദ്ദേഹം കരുതുന്നത് ” ഇതാണ് ഫാബ്രിസിയോയുടെ ട്വീറ്റ്.

സാമ്പത്തികപ്രശ്നങ്ങൾ കാരണമാണ് ബാഴ്സ സ്ഥിരമായി സൈൻ ചെയ്യാത്തത്.ഈ സീസണിൽ 10 ഡച്ച് ലീഗ് മത്സരങ്ങളാണ് താരം അയാക്സിന് വേണ്ടി കളിച്ചിട്ടുള്ളത്.