വീണ്ടും ഗോളടിച്ച് ഗർനാച്ചോ, മാഞ്ചസ്റ്റർ യുണൈറ്റഡ് വിജയത്തോടെ മുന്നോട്ട്!

ഇന്നലെ FA കപ്പിൽ നടന്ന മത്സരത്തിൽ വിജയം നേടാൻ വമ്പൻമാരായ മാഞ്ചസ്റ്റർ യുണൈറ്റഡിന് സാധിച്ചിട്ടുണ്ട്. ഒന്നിനെതിരെ മൂന്ന് ഗോളുകൾക്കാണ് മാഞ്ചസ്റ്റർ യുണൈറ്റഡ് വെസ്റ്റ്ഹാമിനെ പരാജയപ്പെടുത്തിയത്. സ്വന്തം മൈതാനമായ ഓൾഡ് ട്രഫോഡിൽ വെച്ച് നടന്ന മത്സരത്തിൽ ഒരു ഗോളിന് പിറകിൽ പോയ ശേഷമാണ് മാഞ്ചസ്റ്റർ യുണൈറ്റഡ് വിജയം നേടിയത്.

54ആം മിനുട്ടിൽ ബെൻറഹ്‌മ നേടിയ ഗോളിലൂടെ വെസ്റ്റ് ഹാം മുന്നിലെത്തുകയായിരുന്നു. പക്ഷേ പിന്നീട് മാഞ്ചസ്റ്റർ യുണൈറ്റഡ് തിരിച്ചടി ആരംഭിച്ചു.77ആം മിനുട്ടിൽ അഗ്വെർഡ് സെൽഫ് ഗോൾ വഴങ്ങിയതോടെ മത്സരം സമനിലയിലായി. പിന്നീടാണ് യുവ സൂപ്പർതാരം ഗർനാച്ചോയുടെ വിജയ ഗോൾ പിറക്കുന്നത്.

മികച്ച ഒരു ഷോട്ടിലൂടെയാണ് ഗർനാച്ചോ ഗോൾ കണ്ടെത്തിയത്. അതിനുശേഷം ആണ് പിന്നീട് ഫ്രഡിന്റെ ഗോൾ പിറന്നത്.അതോടെ മാഞ്ചസ്റ്റർ യുണൈറ്റഡ് വിജയം ഉറപ്പിക്കുകയായിരുന്നു. ഇനി അടുത്ത റൗണ്ടിൽ ഫുൾഹാമാണ് മാഞ്ചസ്റ്റർ യുണൈറ്റഡിന്റെ എതിരാളികൾ.