ലിവർപൂളിന് മെസ്സിയെയോ നെയ്മറെയോ ആവിശ്യമില്ലെന്ന് മുൻ താരം

ഇംഗ്ലീഷ് പ്രീമിയർ ലീഗിലെ നിലവിലെ ചാമ്പ്യൻമാരായ ലിവർപൂളിന് മെസ്സിയെയോ നെയ്മറെയോ ആവശ്യമില്ലെന്ന് മുൻ താരം ജോൺ ബേണസ്. കഴിഞ്ഞ ദിവസം ബോണസ്കോഡേബെറ്റ്സിനോട് സംസാരിക്കുന്ന വേളയിലാണ് ലിവർപൂളിന് ഒരിക്കലും വമ്പൻ താരങ്ങളെ ആവിശ്യമില്ലെന്ന് അറിയിച്ചത്. മെസ്സിയെയോ നെയ്മറെയോ പോലെയുള്ള മാർക്കറ്റിംഗ് താരങ്ങളെ കൊണ്ടു വന്ന് കരുത്ത് കാട്ടേണ്ട ആവിശ്യമില്ലെന്നാണ് അദ്ദേഹത്തിന്റെ അഭിപ്രായം. ആവിശ്യത്തിൽ കൂടുതൽ ഒരു താരത്തിന് വേണ്ടിയും ലിവർപൂൾ പണം മുടക്കില്ലെന്നും നിലവിലെ താരങ്ങളെ വെച്ച് എങ്ങനെ പുരോഗതി പ്രാപിക്കാം എന്ന കാര്യത്തെ കുറിച്ച് മാത്രമാണ് നിലവിൽ ക്ലബും ക്ലോപും ചിന്തിക്കുന്നതെന്നും അദ്ദേഹം കൂട്ടിച്ചേർത്തു. കൗലിബലിക്ക് അർഹിക്കുന്ന തുക തങ്ങൾ വാഗ്ദാനം ചെയ്തിട്ടുണ്ടെന്നും ഇരട്ടിതുക കണ്ട് അദ്ദേഹത്തിന് വേണമെങ്കിൽ മാഞ്ചസ്റ്റർ സിറ്റിയിലേക്ക് പോവാമെന്നും എന്നാൽ ലീഗ് കിരീടജേതാക്കൾ തങ്ങൾ ആണെന്ന കാര്യം കൂടി അദ്ദേഹം ഓർമിക്കണമെന്നും അദ്ദേഹം പറഞ്ഞു. കഴിഞ്ഞ ദിവസം ക്ലോപും ഇതേ അഭിപ്രായവുമായി രംഗത്ത് വന്നിരുന്നു. ലിവർപൂൾ ഒരിക്കലും തന്നെ ഭീമൻ തുകയൊന്നും ട്രാൻസ്ഫർ വിൻഡോയിൽ ചിലവഴിക്കാൻ പോവുന്നില്ല എന്നായിരുന്നു അദ്ദേഹം അഭിപ്രായപ്പെട്ടത്.

” ആരെയെങ്കിലും സൈൻ ചെയ്തു കൊണ്ട് തങ്ങളുടെ ധനശേഖരണം കളഞ്ഞു കുളിക്കാൻ ലിവർപൂൾ ഉദ്ദേശിക്കുന്നില്ല. ലിവർപൂൾ ഒരിക്കലും തന്നെ കാശെറിഞ്ഞു കൊണ്ടു മെസ്സിയെയോ നെയ്മറെയോ പോലെയുള്ള താരങ്ങളെ സൈൻ ചെയ്യില്ല. അതിന്റെ ആവിശ്യവുമില്ല. ലിവർപൂളിന് വേണ്ട താരങ്ങൾ ആരൊക്കെയാണോ അവരെ ടീമിൽ എത്തിക്കും. ലിവർപൂൾ ഒരിക്കലും തന്നെ മാർക്കറ്റിംഗ് താരങ്ങളെ സൈൻ ചെയ്തു കൊണ്ട് തങ്ങളുടെ സാമ്പത്തികഅഭിവൃദ്ധി ശോഷിപ്പിക്കാൻ ഉദ്ദേശിക്കുന്നില്ല. മാഞ്ചസ്റ്റർ സിറ്റി കൗലിബലിക്ക് ഇരട്ടിശമ്പളം വാഗ്ദാനം ചെയ്തിട്ടുണ്ടെങ്കിൽ അദ്ദേഹത്തിന് അങ്ങോട്ട്‌ പോവാം. പക്ഷെ ചാമ്പ്യൻസ് ലീഗ് ജേതാക്കളും പ്രീമിയർ ലീഗ് ജേതാക്കളും ലിവർപൂൾ ആണെന്നത് ഓർക്കണം. ലിവർപൂൾ എപ്പോഴും താരങ്ങളെ പുരോഗതിയിലേക്ക് നയിക്കാനാണ് ശ്രമിക്കുന്നത്. ഈ വരുന്ന സീസണിലേക്ക് കുറെ താരങ്ങളെ ലിവർപൂൾ സൈൻ ചെയ്യുമെന്നൊന്നും ഞാൻ കരുതുന്നില്ല. അങ്ങനെ അവർ സൈൻ ചെയ്താൽ ആ താരത്തെ ഇമ്പ്രൂവ് ആക്കാൻ ഉള്ളതെല്ലാം അവർ ചെയ്തു തീർക്കും ” അദ്ദേഹം പറഞ്ഞു.