യുണൈറ്റഡിന്റെ രക്ഷകനായി കാസമിറോ, തകർപ്പൻ വിജയവുമായി റയൽ മാഡ്രിഡ്!

ഇന്നലെ പ്രീമിയർ ലീഗിൽ നടന്ന വമ്പൻ പോരാട്ടത്തിൽ മാഞ്ചസ്റ്റർ യുണൈറ്റഡും ചെൽസിയും സമനിലയിൽ പിരിഞ്ഞു. ഇരു ടീമുകളും ഓരോ ഗോളുകൾ വീതം നേടിക്കൊണ്ടാണ് സമനിലയിൽ പിരിഞ്ഞത്. യുണൈറ്റഡ് തോൽവിയിലേക്ക് നീങ്ങിക്കൊണ്ടിരിക്കെ ബ്രസീലിയൻ സൂപ്പർതാരം കാസമിറോ നേടിയ ഗോളാണ് യുണൈറ്റഡിന് സമനില സമ്മാനിച്ചത്.

മത്സരത്തിന്റെ 87ആം മിനുട്ടിൽ ജോർഗീഞ്ഞോ പെനാൽറ്റിയിലൂടെ ചെൽസിക്ക് ലീഡ് നേടിക്കൊടുക്കുകയായിരുന്നു.എന്നാൽ 94ആം മിനുട്ടിൽ കാസമിറോയുടെ സമനില ഗോൾ പിറന്നു.ലൂക്ക് ഷോയുടെ അസിസ്റ്റിൽ നിന്നും കാസമിറോ ഹെഡറിലൂടെ സമനില ഗോൾ കണ്ടെത്തുകയായിരുന്നു.നിലവിൽ ഓരോ പോയിന്റിന്റെ വ്യത്യാസത്തിൽ ചെൽസി നാലാം സ്ഥാനത്തും യുണൈറ്റഡ് അഞ്ചാം സ്ഥാനത്തുമാണ്.

അതേസമയം ഇന്നലെ ലാലിഗയിൽ നടന്ന മത്സരത്തിൽ റയൽ മാഡ്രിഡ്ഉജ്വല വിജയം നേടിയിട്ടുണ്ട്. ഒന്നിനെതിരെ മൂന്നു ഗോളുകൾക്കാണ് റയൽ സെവിയ്യയെ പരാജയപ്പെടുത്തിയത്.റയലിന് വേണ്ടി മോഡ്രിച്ച്,വാസ്ക്കസ്,വാൽവെർദേ എന്നിവരാണ് റയലിന്റെ ഗോളുകൾ നേടിയത്.

വിനീഷ്യസ് ജൂനിയർ ഇരട്ടഗോളുകൾ നേടിക്കൊണ്ട് മത്സരത്തിൽ തിളങ്ങുകയും ചെയ്തു. ഈ സീസണിൽ ഒരു തോൽവി പോലും അറിയാതെ റയൽ മാഡ്രിഡ് ഇപ്പോൾ കുതിക്കുകയാണ്.11 മത്സരങ്ങളിൽ നിന്ന് 31പോയിന്റുള്ള റയൽ തന്നെയാണ് ഒന്നാം സ്ഥാനത്ത്. ബാഴ്സയാണ് രണ്ടാം സ്ഥാനത്ത് ഉള്ളത്.