പെപ് മെസ്സിയുമായി നടത്തിയ താരതമ്യം, ആരെയും താരതമ്യം ചെയ്യാൻ കഴിയില്ലെന്ന് ഫോഡൻ!

കഴിഞ്ഞ മാഞ്ചസ്റ്റർ യുണൈറ്റഡ്നെതിരെയുള്ള മത്സരത്തിൽ മിന്നുന്ന വിജയം കരസ്ഥമാക്കാൻ മാഞ്ചസ്റ്റർ സിറ്റിക്ക് സാധിച്ചിരുന്നു.ഒന്നിനെതിരെ മൂന്നു ഗോളുകൾക്കായിരുന്നു സിറ്റി വിജയിച്ചിരുന്നത്. മത്സരത്തിൽ രണ്ട് ഗോളുകൾ നേടിക്കൊണ്ട് ഫോഡൻ തിളങ്ങുകയായിരുന്നു.ഈ സീസണൽ മികച്ച പ്രകടനമാണ് ഫോഡൻ നടത്തുന്നത്. അതുകൊണ്ടുതന്നെ താരത്തെ പ്രശംസിച്ചുകൊണ്ട് സിറ്റി പരിശീലകൻ പെപ് ഗാർഡിയോള രംഗത്ത് വന്നിരുന്നു.

ലയണൽ മെസ്സിയുമായി അദ്ദേഹത്തെ താരതമ്യം ചെയ്യുകയാണ് പെപ് ചെയ്തത്. മത്സരങ്ങൾ ഒറ്റയ്ക്ക് വിജയിപ്പിക്കാൻ കഴിവുള്ള താരമാണ് ലയണൽ മെസ്സിയെന്നും അതുപോലെയുള്ള ഒരു താരമാണ് ഫിൽ ഫോഡൻ എന്നുമാണ് സിറ്റി പരിശീലകൻ പറഞ്ഞിരുന്നത്.ഇപ്പോഴിതാ ഈ താരതമ്യത്തോട് ഫോഡൻ തന്നെ പ്രതികരിച്ചിട്ടുണ്ട്.ആരെയും ലയണൽ മെസ്സിയുമായി താരതമ്യം ചെയ്യാൻ കഴിയില്ല എന്നാണ് ഫോഡൻ പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

“ഒരു വഴിയുമില്ല,നമുക്ക് ആരെയും ലയണൽ മെസ്സിയുമായി താരതമ്യം ചെയ്യാൻ സാധിക്കില്ല. മെസ്സി എന്നുള്ളത് അദ്ദേഹത്തിന്റെതായ ഒരു ലോകത്തുനിന്നുള്ള വ്യക്തിയാണ്.പക്ഷേ സ്വന്തം പരിശീലകനിൽ നിന്നും ഇത്തരത്തിലുള്ള ഒരു പ്രശംസ ലഭിക്കുക എന്നത് തീർച്ചയായും സന്തോഷം നൽകുന്ന കാര്യമാണ് “ഇതാണ് ഫോഡൻ പറഞ്ഞിട്ടുള്ളത്.

ഇംഗ്ലീഷ് പ്രീമിയർ ലീഗിൽ 27 മത്സരങ്ങളാണ് ഫോഡൻ കളിച്ചിട്ടുള്ളത്. അതിൽ നിന്ന് 11 ഗോളുകളും 7 അസിസ്റ്റുകളും അദ്ദേഹം സ്വന്തമാക്കിയിട്ടുണ്ട്.ചാമ്പ്യൻസ് ലീഗിൽ നാല് ഗോളുകളും മൂന്ന് അസിസ്റ്റുകളും നേടിയ താരം FA കപ്പിൽ രണ്ട് ഗോളുകൾ സ്വന്തമാക്കുകയും ചെയ്തിട്ടുണ്ട്. നാളെ നടക്കുന്ന മത്സരത്തിൽ ലിവർപൂളിനെയാണ് സിറ്റി നേരിടുക.