ത്രില്ലറിനൊടുവിൽ വിജയിച്ചു കയറി ചെൽസി. സിറ്റി, ലിവർപൂൾ, ആഴ്സണൽ എന്നിവർക്കും ജയം!

പ്രീമിയർ ലീഗിൽ ഇന്ന് നടന്ന മത്സരത്തിൽ വമ്പൻമാരായ ചെൽസിക്ക് വിജയം. അടിയും തിരിച്ചടിയും കണ്ട മത്സരത്തിൽ രണ്ടിനെതിരെ മൂന്ന് ഗോളുകൾക്കാണ് ചെൽസി ലീഡ്‌സിനെ പരാജയപ്പെടുത്തിയത്. മത്സരത്തിന്റെ അവസാന സമയത്ത് ചെൽസിക്ക് ലഭിച്ച പെനാൽറ്റിയാണ് അവർക്ക് വിജയം നേടികൊടുത്തത്. പെനാൽറ്റിയിലൂടെ ജോർഗീഞ്ഞോ ഇരട്ട ഗോളുകൾ നേടിയപ്പോൾ ശേഷിച്ച ഗോൾ മൌണ്ടിന്റെ വകയായിരുന്നു.ലീഡ്‌സിന് വേണ്ടി റഫീഞ്ഞയും പെനാൽറ്റിയിലൂടെയാണ് ഗോൾ നേടിയത്.മറ്റൊരു ഗോൾ ജോയുടെ വകയായിരുന്നു.

അതേസമയം മറ്റൊരു മത്സരത്തിൽ മാഞ്ചസ്റ്റർ സിറ്റി വോൾവ്‌സിനെ പരാജയപ്പെടുത്തി. സിറ്റിയുടെ വിജയഗോൾ സ്റ്റെർലിംഗ് പെനാൽറ്റിയിലൂടെയാണ് നേടിയത്.വോൾവ്‌സ് താരം ജിമിനസ് റെഡ് കാർഡ് കണ്ടത് അവർക്ക് തിരിച്ചടിയാവുകയായിരുന്നു.

അതേസമയം ലിവർപൂൾ സ്റ്റീവൻ ജെറാർഡിന്റെ ആസ്റ്റൺ വില്ലയേ പരാജയപ്പെടുത്തി.ലിവർപൂളിന്റെ വിജയഗോൾ സലാ പെനാൽറ്റിയിലൂടെയാണ് നേടിയത്.

ഇന്നത്തെ മറ്റൊരു മത്സരത്തിൽ ആഴ്സണൽ തകർപ്പൻ വിജയം നേടി.എതിരില്ലാത്ത മൂന്ന് ഗോളുകൾക്കാണ് ഗണ്ണേഴ്‌സ്‌ സതാംപ്റ്റണെ പരാജയപ്പെടുത്തിയത്.ലാക്കസാട്ടെ, ഒഡീഗാർഡ്,ഗബ്രിയേൽ എന്നിവരാണ് ആഴ്സണലിന്റെ ഗോളുകൾ നേടിയത്.

നിലവിൽ 38 പോയിന്റുള്ള സിറ്റിയാണ് ഒന്നാമത്.ലിവർപൂൾ, ചെൽസി, വെസ്റ്റ്ഹാം, ആഴ്സണൽ എന്നിവർ രണ്ട് മുതൽ അഞ്ച് സ്ഥാനങ്ങളിൽ ഉണ്ട്.