ജീസസിന്റെ ഗോളിൽ ചെൽസി വീണു!

പ്രീമിയർ ലീഗിൽ നടന്ന വമ്പൻമാരുടെ പോരാട്ടത്തിൽ മാഞ്ചസ്റ്റർ സിറ്റിക്ക് വിജയം. എതിരില്ലാത്ത ഒരു ഗോളിന് ചെൽസിയെയാണ് അവർ പരാജയപ്പെടുത്തിയത്.ചെൽസിയുടെ മൈതാനമായ സ്റ്റാംഫോഡ് ബ്രിഡ്ജിൽ നടന്ന മത്സരത്തിൽ ഗബ്രിയേൽ ജീസസാണ് സിറ്റിയുടെ വിജയഗോൾ നേടിയത്.ജയത്തോടെ സിറ്റി പോയിന്റ് പട്ടികയിൽ രണ്ടാമതാണ്.6 മത്സരങ്ങളിൽ നിന്ന് 13 പോയിന്റാണ് സിറ്റിയുടെ സമ്പാദ്യം. ഇത്രയും പോയിന്റുള്ള ചെൽസി മൂന്നാം സ്ഥാനത്താണ്.

ലുക്കാക്കു, വെർണർ എന്നിവർ ചെൽസിയുടെ മുന്നേറ്റനിരയിൽ അണിനിരന്നപ്പോൾ ഫോഡൻ, ജീസസ്, ഗ്രീലിഷ്, ഡി ബ്രൂയിൻ എന്നിവർ സിറ്റിയുടെയും മുന്നിലും അണിനിരന്നു. മത്സരത്തിൽ ആധിപത്യം പുലർത്തിയിരുന്നത് മാഞ്ചസ്റ്റർ സിറ്റി തന്നെയായിരുന്നു. അതിന്റെ ഫലമായി അമ്പത്തിമൂന്നാം മിനിറ്റിലാണ് സിറ്റിയുടെ വിജയഗോൾ പിറക്കുന്നത്. കാൻസെലോയുടെ അസിസ്റ്റിൽ നിന്ന് ജീസസാണ് ഗോൾ നേടിയത്. ഈ ഗോളിന് മറുപടി നൽകാൻ ചെൽസിക്ക് കഴിഞ്ഞില്ല. ഇതോടെ ലീഗിലെ ആദ്യ തോൽവി ചെൽസി വഴങ്ങുകയായിരുന്നു.