മെസ്സി ഇനി ബഹിരാകാശത്ത്, വൈറലായി വീഡിയോ!

ഫുട്ബോൾ ചരിത്രത്തിലെ തന്നെ എക്കാലത്തെയും മികച്ച താരങ്ങളിൽ ഒരാളായി കൊണ്ട് പരിഗണിക്കപ്പെടുന്ന താരമാണ് ലയണൽ മെസ്സി. ലോകത്തെ അതിപ്രശസ്തരായ വ്യക്തികളുടെ ലിസ്റ്റിൽ ലയണൽ മെസ്സി മുൻപന്തിയിൽ തന്നെയുണ്ട്. പ്രമുഖ കമ്പനിയായ അഡിഡാസ് മെസ്സിയുടെ പ്രധാനപ്പെട്ട സ്പോൺസർമാരിൽ ഒരാളാണ്. മാത്രമല്ല ലയണൽ മെസ്സിക്ക് ഇവരുമായി ഒരു ആജീവനാന്ത കരാർ തന്നെയുണ്ട്.

2017ലായിരുന്നു ലയണൽ മെസ്സി അഡിഡാസുമായി ആജീവനാന്ത കരാറിൽ ഒപ്പു വച്ചിരുന്നത്.മാത്രമല്ല ഇവരുടെ ഗ്ലോബൽ അംബാസിഡർ കൂടിയാണ് ലയണൽ മെസ്സി. മെസ്സിയെ ഉൾപ്പെടുത്തിക്കൊണ്ട് നിരവധി പ്രമോഷൻ പരിപാടികൾ അഡിഡാസ് രൂപകൽപ്പന ചെയ്യാറുണ്ട്. എന്നാൽ തികച്ചും വ്യത്യസ്തമായ ഒരു പ്രമോഷൻ പ്രോഗ്രാമാണ് കഴിഞ്ഞ ദിവസം അഡിഡാസ് പുറത്തുവിട്ടിട്ടുള്ളത്.അതായത് ലയണൽ മെസ്സിയെ ബഹിരാകാശത്ത് എത്തിക്കുകയാണ് അഡിഡാസ് ചെയ്തിട്ടുള്ളത്.

XCRAZYFAST എന്ന ഒരു ക്യാമ്പയിന് ഇവർ തുടക്കം കുറിച്ചിട്ടുണ്ട്. അതിന്റെ ഭാഗമായി കൊണ്ട് ലയണൽ മെസ്സിയുടെ ചിത്രം അടങ്ങിയ ഒരു പരസ്യ ബോർഡ് ബഹിരാകാശത്ത് പ്രദർശിപ്പിക്കുകയായിരുന്നു. ഇന്റർനാഷണൽ സ്പേസ് സ്റ്റേഷനിലാണ് ഒരു സ്പേസ് ഷിപ്പ് വഴി ഇവർ പരസ്യം സ്ഥാപിച്ചിട്ടുള്ളത്. ലയണൽ മെസ്സിയുടെ ചിത്രവും ബൂട്ടും അഡിഡാസിന്റെ ലോഗോയുമാണ് ബിൽ ബോർഡിലുള്ളത്.

മാത്രമല്ല ഇതിന്റെ വീഡിയോ അവർ പുറത്തിറക്കുകയും ചെയ്തിട്ടുണ്ട്. ലയണൽ മെസ്സി ഈ ദൗത്യത്തിന് സാക്ഷിയാവുന്നതൊക്കെ ആ വീഡിയോയിൽ അവർ ചേർത്തിട്ടുണ്ട്.വൈറലായ വീഡിയോ ലയണൽ മെസ്സിയുടെ ക്ലബ്ബായ ഇന്റർ മയാമി പങ്കുവെക്കുകയും ചെയ്തിട്ടുണ്ട്.ഈ ലോകത്തിന് പുറത്ത് എന്നാണ് അതിന്റെ ക്യാപ്ഷനായി കൊണ്ട് അവർ നൽകിയിരിക്കുന്നത്. ഏതായാലും ലയണൽ മെസ്സിയുടെ ചിത്രം ബഹിരാകാശത്ത് പ്രദർശിപ്പിച്ചു കൊണ്ടുള്ള ഈ പ്രമോഷൻ പരിപാടി ഏറെ ശ്രദ്ധ നേടിയിട്ടുണ്ട്.