ബാഴ്സലോണ ഞങ്ങളെ ആശങ്കപ്പെടുത്തി: തുറന്ന് പറഞ്ഞ് ഡേവിഡ് ബെക്കാം!

കഴിഞ്ഞ സമ്മർ ട്രാൻസ്ഫർ ജാലകത്തിലായിരുന്നു സൂപ്പർ താരം ലയണൽ മെസ്സിയെ ഇന്റർ മയാമി സ്വന്തമാക്കിയത്.മെസ്സി ഇന്ററിലേക്ക് എത്തുമെന്ന സൂചനകൾ നേരത്തെ തന്നെ പുറത്തേക്ക് വന്നിരുന്നു. പക്ഷേ ഇത്ര വേഗത്തിൽ ലയണൽ മെസ്സി അമേരിക്കയിലേക്ക് എത്തുമെന്ന് ആരും പ്രതീക്ഷിച്ചിരുന്നില്ല. മെസ്സിയെ സ്വന്തമാക്കിയതോടുകൂടിയാണ് ഇന്റർ മയാമിയും അമേരിക്കൻ ഫുട്ബോളും കൂടുതൽ ശ്രദ്ധ പിടിച്ചു പറ്റിയത്.

മെസ്സിയെ തിരികെ എത്തിക്കാൻ വേണ്ടി അദ്ദേഹത്തിന്റെ മുൻ ക്ലബ്ബായ ബാഴ്സലോണ ശ്രമങ്ങൾ നടത്തിയിരുന്നുവെങ്കിലും അത് വിഫലമാവുകയായിരുന്നു.ഇതേക്കുറിച്ച് ഇന്റർ മയാമിയുടെ സഹ ഉടമസ്ഥനായ ഡേവിഡ് ബെക്കാം ചില കാര്യങ്ങൾ പറഞ്ഞിട്ടുണ്ട്. അതായത് ബാഴ്സലോണ ഞങ്ങളെ ആശങ്കപ്പെടുത്തി കളഞ്ഞു എന്നാണ് ബെക്കാം പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” മെസ്സിയെ സ്വന്തമാക്കുന്ന കാര്യത്തിൽ കോമ്പറ്റീഷൻ നേരിടേണ്ടി വരുമെന്നത് ഞങ്ങൾക്ക് ഞങ്ങൾക്ക് എപ്പോഴും അറിയാമായിരുന്നു.ബാഴ്സലോണ മെസ്സിയെ തിരിച്ചെത്തിക്കാൻ വേണ്ടി താൽപര്യം പ്രകടിപ്പിച്ചപ്പോൾ ഞാൻ ആശങ്കപ്പെട്ടു. കാരണം മെസ്സിക്ക് അർഹതപ്പെട്ട ഒരു വിടവാങ്ങൽ അവിടെ നിന്നും ലഭിച്ചിരുന്നില്ല. അതുകൊണ്ട് മെസ്സി അങ്ങോട്ട് പോകുമോ എന്ന് ഞങ്ങൾ ഭയപ്പെട്ടിരുന്നു.മെസ്സിയെ എത്തിക്കാൻ വേണ്ടി സാധ്യമായത് എല്ലാം ഞങ്ങൾ ചെയ്തു.ലയണൽ മെസ്സി ഇങ്ങോട്ട് വരികയാണെന്ന് ഫോൺ ചെയ്തു പറഞ്ഞപ്പോൾ എനിക്ക് രോമാഞ്ചം ഉണ്ടാവുകയാണ് ചെയ്തത്.ലോകത്തെ ഏറ്റവും മികച്ച താരങ്ങളെ ഇങ്ങോട്ട് കൊണ്ടുവരണമെന്ന് ഞാൻ ഇന്റർ മയാമി ആരാധകർക്ക് വാക്കു നൽകിയിരുന്നു.മെസ്സി എന്നത് എന്റെ ഒരു സ്വപ്ന താരമായിരുന്നു.ഞങ്ങളുടെ ജേഴ്സിയിൽ ഞാൻ അദ്ദേഹത്തെ കാണുന്നു,അദ്ദേഹത്തിന്റെ പരിശീലനവും പ്രകടനവും വീക്ഷിക്കുന്നു.മെസ്സി ഞങ്ങളുടെ ക്ലബ്ബിലാണ് ഉള്ളതെന്ന് വിശ്വസിക്കാൻ എനിക്ക് ഇപ്പോഴും സാധിക്കുന്നില്ല ” ബെക്കാം പറഞ്ഞു.

കഴിഞ്ഞ സീസണിൽ മികച്ച പ്രകടനം ഇന്റർ മയാമിക്ക് വേണ്ടി മെസ്സി നടത്തിയിട്ടുണ്ട്.ക്ലബ്ബിന്റെ ചരിത്രത്തിലെ ആദ്യ കിരീടം അവർക്ക് നേടിക്കൊടുക്കാൻ മെസ്സിക്ക് സാധിച്ചിരുന്നു. ഇനി ജനുവരിയിലാണ് ലയണൽ മെസ്സി ക്ലബ്ബിനോടൊപ്പം ജോയിൻ ചെയ്യുക.പ്രീ സീസൺ മത്സരങ്ങൾ മെസ്സി ക്ലബ്ബിനൊപ്പം കളിക്കുക തന്നെ ചെയ്യും.