പ്രൗഢഗംഭീരം,ലയണൽ മെസ്സിയെ പ്രസന്റ് ചെയ്ത് ഇന്റർ മിയാമി.

ഈ ട്രാൻസ്ഫർ ജാലകത്തിലാണ് ലയണൽ മെസ്സി അമേരിക്കൻ ക്ലബ്ബായ ഇന്റർ മിയാമിയിലേക്ക് എത്തിയത്. കഴിഞ്ഞ ദിവസമാണ് മിയാമി ഒഫീഷ്യൽ പ്രഖ്യാപനം നടത്തിയത്. ഇപ്പോഴിതാ അദ്ദേഹത്തിന്റെ പ്രസന്റേഷൻ ചടങ്ങും ഇന്റർമിയാമി പൂർത്തിയാക്കി കഴിഞ്ഞു.

പ്രൗഡ ഗംഭീരമായ ചടങ്ങാണ് മെസ്സിക്ക് വേണ്ടി സംഘടിപ്പിച്ചിരുന്നത്. നിരവധി പ്രശസ്ത വ്യക്തികൾ ചടങ്ങിൽ ഉണ്ടായിരുന്നു. നിറഞ്ഞുകവിഞ്ഞ ആരാധകർക്ക് മുന്നിൽ വലിയ ആഘോഷ പരിപാടികളോടുകൂടിയാണ് ലയണൽ മെസ്സിയെ ഇന്റർമിയാമി പ്രസന്റ് ചെയ്തിരിക്കുന്നത്. ഇന്ററിന്റെ ഉടമസ്ഥനായ ഡേവിഡ് ബെക്കാമും സന്നിഹിതനായിരുന്നു.

ഇരുപത്തിരണ്ടാം തീയതി നടക്കുന്ന ഇന്റർമിയാമിയുടെ മത്സരത്തിൽ ലയണൽ മെസ്സി തന്റെ അരങ്ങേറ്റം നടത്തുമെന്നാണ് പ്രതീക്ഷിക്കപ്പെടുന്നത്.പക്ഷേ മിയാമി വളരെ മോശം പ്രകടനമാണ് ഇപ്പോൾ നടത്തുന്നത്. അവസാനമായി കളിച്ച പതിനൊന്ന് ലീഗ് മത്സരങ്ങളിൽ ഒന്നിൽ പോലും വിജയിക്കാൻ അവർക്ക് കഴിഞ്ഞിട്ടില്ല. അതുകൊണ്ടുതന്നെ അരങ്ങേറ്റ മത്സരം മെസ്സിക്ക് ഒരു വെല്ലുവിളി ആയിരിക്കും.