ന്യൂവെൽസിനോടും വിജയിക്കാനാവാതെ മയാമി, ഇത് വളരെ സ്പെഷ്യലെന്ന് മെസ്സി.

ഇന്ന് നടന്ന പ്രീ സീസൺ സൗഹൃദ മത്സരത്തിൽ മെസ്സിയുടെ അമേരിക്കൻ ക്ലബ്ബായ ഇന്റർ മയാമി സമനില വഴങ്ങിയിട്ടുണ്ട്. മെസ്സിയുടെ മുൻ ക്ലബ്ബായ
ന്യൂവെൽസ് ഓൾഡ് ബോയ്സ് ആണ് ഇന്റർ മയാമിയെ സമനിലയിൽ തളച്ചിട്ടുള്ളത്.രണ്ട് ടീമുകളും ഓരോ ഗോളുകൾ വീതം മത്സരത്തിൽ നേടുകയായിരുന്നു. ഇന്റർ മയാമിയുടെ മൈതാനത്ത് വെച്ചുകൊണ്ടായിരുന്നു ഈ മത്സരം നടന്നിരുന്നത്.

മത്സരത്തിൽ ആദ്യം ബോർഗെലിനിലൂടെ മയാമിയാണ് ലീഡ് എടുത്തത്. എന്നാൽ പിന്നീട് ഡയസിലൂടെ ന്യൂവെൽസ് തിരിച്ചുവരികയായിരുന്നു. അങ്ങനെയാണ് മത്സരം സമനിലയിൽ കലാശിച്ചത്. മത്സരത്തിൽ മെസ്സി അറുപതാം മിനിട്ട് വരെ കളിച്ചിരുന്നു.മെസ്സി ഇപ്പോൾ പരിക്കിൽ നിന്നും മുക്തനായി കഴിഞ്ഞിട്ടുണ്ട്.

ഈ മത്സരം അവസാനിച്ചതിന് പിന്നാലെ മെസ്സി ഇൻസ്റ്റഗ്രാമിൽ ഒരു പോസ്റ്റ് പങ്കുവെച്ചിട്ടുണ്ട്.പ്രീ സീസൺ അവസാനിപ്പിച്ച വളരെ സ്പെഷ്യലായിട്ടുള്ള ഒരു മത്സരം എന്നാണ് മെസ്സി കുറിച്ചിട്ടുള്ളത്. മുൻ ക്ലബ്ബിനെതിരെയുള്ള ഈ മത്സരം മെസ്സിയെ സംബന്ധിച്ചിടത്തോളം വളരെ അധികം സ്പെഷ്യലായിരുന്നു. പക്ഷേ പ്രീ സീസൺ മയാമിയെ സംബന്ധിച്ചിടത്തോളം ബുദ്ധിമുട്ടുള്ള ഒന്നായിരുന്നു.7 മത്സരങ്ങൾ കളിച്ചപ്പോൾ അതിൽ ഒന്നിൽ മാത്രമാണ് അവർ വിജയിച്ചിട്ടുള്ളത്.

അതും ദുർബലരായ ഹോങ്കോങ് ടീമിനെതിരെ ആയിരുന്നു അവർ വിജയിച്ചിരുന്നത്.ഇനി അമേരിക്കൻ ലീഗിലാണ് മയാമി കളിക്കുക. ആദ്യം മത്സരത്തിൽ റിയൽ സോൾട്ട് ലേക്ക് ആണ് അവരുടെ എതിരാളികൾ.