ചാമ്പ്യൻസ് കപ്പ്,ഇന്റർമയാമിക്ക് തോൽവി!

ഇന്ന് നടന്ന കോൺകകാഫ് ചാമ്പ്യൻസ് കപ്പിലെ ആദ്യപാദ ക്വാർട്ടർ ഫൈനൽ പോരാട്ടത്തിൽ ഇന്റർമയാമിക്ക് തോൽവി. ഒന്നിനെതിരെ രണ്ടു ഗോളുകൾക്കാണ് മെക്സിക്കൻ ക്ലബ്ബായ മോന്റെറി ഇന്റർമയാമിയേ പരാജയപ്പെടുത്തിയിട്ടുള്ളത്.ഇന്റർമയാമിയുടെ മൈതാനത്ത് വെച്ചുകൊണ്ടായിരുന്നു ഈ മത്സരം നടന്നിരുന്നത്.

സൂപ്പർതാരം ലയണൽ മെസ്സി പരിക്ക് കാരണം ഈ മത്സരത്തിൽ കളിച്ചിരുന്നില്ല.അത് ഇന്റർമയാമിക്ക് തിരിച്ചടി ഏൽപ്പിച്ചു. മത്സരത്തിന്റെ 19 ആം മിനിറ്റിൽ തോമസ് അവിയെസിലൂടെ ഇന്റർമയാമിയാണ് ലീഡ് നേടിയത്.എന്നാൽ 69ആം മിനുട്ടിലും 89ആം മിനുട്ടിലും മോന്റെറി ഗോളുകൾ കണ്ടെത്തുകയായിരുന്നു.

ഇതോടെ ഇന്റർമയാമിക്ക് തോൽവി വഴങ്ങേണ്ടി വരികയായിരുന്നു.ഇനി രണ്ടാം പാദ മത്സരം അവരുടെ മൈതാനത്ത് വച്ചുകൊണ്ടാണ് നടക്കുക. മത്സരത്തിൽ മെസ്സി ഉണ്ടാകും എന്നാണ് പ്രതീക്ഷിക്കപ്പെടുന്നത്.ഇന്റർമയാമിയേ സംബന്ധിച്ചിടത്തോളം തിരിച്ചുവരവ് അത്യാവശ്യമായ ഒരു മത്സരം ആയിരിക്കും അത്.