കളിച്ച എല്ലാ മത്സരങ്ങളിലും മയാമി വിജയിച്ചു, ലയണൽ മെസ്സി എഫക്ട് തുടരുന്നു!

ഇന്ന് അമേരിക്കൻ ലീഗിൽ നടന്ന മത്സരത്തിൽ വിജയം നേടാൻ ഇന്റർ മയാമിക്ക് കഴിഞ്ഞിരുന്നു. എതിരില്ലാത്ത രണ്ട് ഗോളുകൾക്കാണ് ഇന്റർമയാമി ന്യൂയോർക്ക് റെഡ് ബുൾസിനെ പരാജയപ്പെടുത്തിയത്.ഡിയഗോ ഗോമസ്,ലയണൽ മെസ്സി എന്നിവരാണ് ഇന്റർ മയാമിക്ക് വേണ്ടി ഗോളുകൾ നേടിയത്.

പകരക്കാരനായി ഇറങ്ങി കൊണ്ടാണ് ലയണൽ മെസ്സി ഗോൾ സ്വന്തമാക്കിയത്. മെസ്സി ഇറങ്ങിയ ഒരൊറ്റ മത്സരത്തിൽ പോലും ഇന്റർമയാമി പരാജയപ്പെട്ടിട്ടില്ല എന്നതാണ് ഇവിടത്തെ കൗതുകകരമായ വസ്തുത.9 മത്സരങ്ങളിൽ ആണ് മെസ്സി കളിച്ചിട്ടുള്ളത്.ആ 9 മത്സരങ്ങളിലും മയാമി വിജയിച്ചു.

ഈ മത്സരങ്ങളിൽ നിന്ന് 11 ഗോളുകളും മൂന്ന് അസിസ്റ്റുകളുമാണ് മെസ്സി നേടിയിട്ടുള്ളത്.അതായത് എല്ലാ ജയത്തിലും മെസ്സിയുടെ സാന്നിധ്യം നമുക്ക് കാണാൻ കഴിയും.ലീഗ്സ് കപ്പ് നേടാൻ ഇന്റർ മയമിക്ക് കഴിഞ്ഞു.ഓപ്പൺ കപ്പിന്റെ ഫൈനലിലും മയാമി എത്തിയിട്ടുണ്ട്.

അമേരിക്കൻ ലീഗിൽ വലിയ ഒരു ഇടവേളക്ക് ശേഷമാണ് ഇന്റർ മയാമി വിജയിക്കുന്നത്. മെസ്സിയുടെ മികവിലൂടെയാണ് ഇപ്പോൾ ഈ ടീം മുന്നോട്ടു പോയിക്കൊണ്ടിരിക്കുന്നത്.ലയണൽ മെസ്സി എഫക്റ്റ് തുടരുകയാണ്.