ഇരട്ട അസിസ്റ്റുമായി മെസ്സി,അപരാജിത കുതിപ്പുമായി മയാമി!

ഇന്ന് എംഎൽഎസിൽ നടന്ന മത്സരത്തിൽ വിജയം നേടാൻ ലയണൽ മെസ്സിയുടെ ക്ലബ്ബായ ഇന്റർ മയാമിക്ക് കഴിഞ്ഞിട്ടുണ്ട്. ഒന്നിനെതിരെ മൂന്നു ഗോളുകൾക്കാണ് ഇന്റർ മയാമി ലോസ് ആഞ്ചലസ് എഫ്സിയെ പരാജയപ്പെടുത്തിയത്. ഗോളുകൾ നേടാനായിട്ടില്ലെങ്കിലും സൂപ്പർ താരം ലയണൽ മെസ്സി മത്സരത്തിൽ ഇരട്ട അസിസ്റ്റുകളുമായി തിളങ്ങിയിട്ടുണ്ട്.

മത്സരത്തിന്റെ പതിനാലാം മിനിറ്റിൽ തന്നെ ഇന്റർ മായാമി ലീഡ് കരസ്ഥമാക്കി.തോമസ് അവിയസിന്റെ അസിസ്റ്റിൽ നിന്നും ഫാരിയാസാണ് ഗോൾ കണ്ടെത്തിയത്. ഈ ഒരു ഗോളിന്റെ ലീഡിലാണ് ആദ്യപകുതിയിൽ മയാമി കളം വിട്ടത്. പിന്നീട് 51ആം മിനിട്ടിൽ ജോർഡി ആൽബയാണ് ഗോൾ നേടിയത്.ലയണൽ മെസ്സിയുടെ അസിസ്റ്റിൽ നിന്നാണ് ഈ ഗോൾ പിറന്നത്.

പിന്നീട് 83 മിനിറ്റിൽ കമ്പാന ഒരു ഗോൾ നേടുകയായിരുന്നു.ഇതിനും ലയണൽ മെസ്സി തന്നെയാണ് അസിസ്റ്റ് നൽകിയത്. ഏറ്റവും അവസാനത്തിൽ LAFC ഒരു ആശ്വാസ ഗോൾ നേടുകയായിരുന്നു. അദ്ദേഹത്തോട് മൂന്നു വിലപ്പെട്ട പോയിന്റുകൾ കരസ്ഥമാക്കാൻ ഇന്റർ മയമിക്ക് കഴിഞ്ഞിട്ടുണ്ട്. 25 മത്സരങ്ങളിൽ നിന്ന് 25 പോയിന്റ് ആണ് മയാമിക്ക് ഉള്ളത്.

ലയണൽ മെസ്സി വന്നതിനുശേഷം ഉള്ള അവരുടെ അപരാജിത കുതിപ്പ് തുടരുകയാണ്.മെസ്സി കളിച്ച ഒരൊറ്റ മത്സരത്തിൽ പോലും മയാമി പരാജയപ്പെട്ടിട്ടില്ല. എന്നാൽ ഇന്റർനാഷണൽ ബ്രേക്ക് കാരണം അടുത്ത മത്സരങ്ങൾക്ക് മെസ്സി ഉണ്ടാവില്ല.