ഇരട്ട അസിസ്റ്റുമായി മെസ്സി, നാടകീയ തിരിച്ചുവരവിനൊടുവിൽ മയാമിക്ക് വിജയം.

ഒരല്പം മുമ്പ് നടന്ന ഓപ്പൺ കപ്പ് സെമിഫൈനൽ പോരാട്ടത്തിൽ ലയണൽ മെസ്സിയുടെ ഇന്റർമയാമി വിജയിച്ചിട്ടുണ്ട്.പെനാൽറ്റി ഷൂട്ടൗട്ടിലാണ് എതിരാളികളായ സിൻസിനാറ്റിയെ ഇന്റർ മയാമി പരാജയപ്പെടുത്തിയിട്ടുള്ളത്. ഇതോടുകൂടി ഫൈനലിൽ പ്രവേശിക്കാൻ ഇപ്പോൾ ലയണൽ മെസ്സിക്കും സംഘത്തിനും കഴിഞ്ഞിട്ടുണ്ട്.

മത്സരത്തിൽ രണ്ട് ഗോളുകൾക്ക് ഇന്റർ പുറകിൽ പോയിരുന്നു.പിന്നീട് ലയണൽ മെസ്സിയുടെ ഇരട്ട അസിസ്റ്റുകളും കംപാനയുടെ ഇരട്ട ഗോളുകളുമാണ് ഇന്റർ മയാമിയുടെ രക്ഷയ്ക്ക് എത്തിയത്. ഇതോടെയാണ് നിശ്ചിത സമയം പിന്നിട്ടു കഴിഞ്ഞപ്പോൾ മത്സരം 2-2 എന്ന സ്കോറിൽ അവസാനിച്ചത്. അതിനുശേഷം എക്സ്ട്രാ ടൈമിലേക്ക് മത്സരം നീങ്ങി.

ജോസഫ് മാർട്ടിനസ് എക്സ്ട്രാ ടൈമിൽ ഇന്റർമയാമിക്ക് വേണ്ടി ഗോൾ നേടിയെങ്കിലും അവർ തിരിച്ചടിച്ചു. പെനാൽറ്റി ഷൂട്ടൗട്ട് ഇതോടെയാണ് നടത്തേണ്ടി വന്നത്.ആദ്യത്തെ നാല് കിക്കുകളും രണ്ട് ടീമുകളും വിജയകരമായി പൂർത്തിയാക്കി. എന്നാൽ സിൻസിനാറ്റിയുടെ അവസാനത്തെ കിക്ക് ഇന്റർ മയാമി ഗോൾകീപ്പർ രക്ഷപ്പെടുത്തി.മയാമി ഗോളാക്കി മാറ്റിയതോടെ ഫൈനലിൽ കയറുകയായിരുന്നു. സെപ്റ്റംബർ 28 തിയതിയാണ് ഫൈനൽ മത്സരം നടക്കുക