ഇന്റർ മയാമി ശക്തി കൂട്ടുന്നു,അർജന്റൈൻ താരത്തെ സൈൻ ചെയ്തു!

ഇന്റർ മയാമി തങ്ങളുടെ പുതിയ സീസണിന് ഇപ്പോൾ തുടക്കം കുറിച്ചിട്ടുണ്ട്.രണ്ട് പ്രീ സീസൺ സൗഹൃദ മത്സരങ്ങളാണ് മയാമി കളിച്ചിട്ടുള്ളത്.പക്ഷേ ബുദ്ധിമുട്ടേറിയ തുടക്കമാണ് അവർക്ക് ലഭിച്ചിട്ടുള്ളത്.എൽ സാൽവദോറിന്റെ ദേശീയ ടീമിനോട് ഗോൾ രഹിത സമനില മയാമി വഴങ്ങുകയായിരുന്നു. അതിനുശേഷം അമേരിക്കൻ ക്ലബ്ബായ ഡല്ലാസ് എഫ്സിയോട് മയാമി എതിരില്ലാത്ത ഒരു ഗോളിന് തോൽക്കുകയും ചെയ്തു.

ഈ ജനുവരി ട്രാൻസ്ഫർ വിന്റോയിൽ മയാമി പ്രധാനമായും നടത്തിയ സൈനിങ്ങ് സൂപ്പർതാരം ലൂയിസ് സുവാരസിന്റെതാണ്.അദ്ദേഹം ഇപ്പോൾ ക്ലബ്ബിനുവേണ്ടി കളിച്ചു തുടങ്ങിയിട്ടുണ്ട്. മാത്രമല്ല മറ്റൊരു താരത്തിന്റെ സൈനിങ്ങ് കൂടി ഇപ്പോൾ മയാമി പൂർത്തിയാക്കിയിട്ടുണ്ട്.അർജന്റൈൻ താരമായ നിക്കോളാസ് ഫ്രയ്റെയെയാണ് മയാമി സ്വന്തമാക്കിയിട്ടുള്ളത്. 29 വയസ്സുള്ള താരം പ്രതിരോധനിരയിലാണ് കളിക്കുന്നത്.

ഗ്രീക്ക് ക്ലബ്ബായ ഒളിമ്പിയാക്കോസിനു വേണ്ടിയായിരുന്നു അദ്ദേഹം ഇതുവരെ കളിച്ചിരുന്നത്. പക്ഷേ ലോൺ അടിസ്ഥാനത്തിലായിരുന്നു അവിടെ കളിച്ചിരുന്നത്. യഥാർത്ഥത്തിൽ മെക്സിക്കൻ ക്ലബ്ബായ പ്യുമാസിന്റെ താരമാണ് ഇദ്ദേഹം. ലോൺ അടിസ്ഥാനത്തിലാണ് അദ്ദേഹത്തെ മയാമി സ്വന്തമാക്കിയിട്ടുള്ളത്.അർജന്റീനോസ്,പാൽമിറാസ് തുടങ്ങിയ പ്രശസ്ത സൗത്ത് അമേരിക്കൻ ക്ലബ്ബുകൾക്ക് വേണ്ടി ഇദ്ദേഹം കളിച്ചിട്ടുണ്ട്.

ഇന്റർ മയാമിയിൽ എത്താൻ കഴിഞ്ഞതിൽ അദ്ദേഹം വളരെയധികം അഭിമാനം പ്രകടിപ്പിച്ചിട്ടുണ്ട്. കിരീടങ്ങൾക്ക് വേണ്ടി പോരടിക്കുക എന്ന വലിയ ലക്ഷ്യങ്ങൾ ഉള്ള ക്ലബ്ബാണ് ഇന്റർ മയാമിയെന്നും ടീമിനോടൊപ്പം ജോയിൻ ചെയ്യാൻ താൻ കാത്തിരിക്കുകയാണെന്നും ഇദ്ദേഹം പറഞ്ഞിട്ടുണ്ട്. ലയണൽ മെസ്സിയെ കൂടാതെ നിരവധി അർജന്റൈൻ താരങ്ങൾ ഇന്റർ മയാമിയിൽ ഉണ്ട്. ആ കൂട്ടത്തിലെക്കാണ് നിക്കോളാസും ഇപ്പോൾ വന്ന് ചേർന്നിരിക്കുന്നത്.