ആ ഫ്രീകിക്ക് ഗോൾ വന്ന വഴി: മെസ്സി പറയുന്നു.

ഇന്ന് പുലർച്ചെ ലീഗ്സ് കപ്പിൽ നടന്ന മത്സരത്തിൽ മെക്സിക്കൻ ക്ലബ്ബായ ക്രൂസ് അസൂളിനെ പരാജയപ്പെടുത്താൻ ഇന്റർ മിയാമിക്ക് കഴിഞ്ഞിരുന്നു. അരങ്ങേറ്റക്കാരനായ ലയണൽ മെസ്സിയാണ് ഇന്റർ മിയാമിയുടെ രക്ഷകനായത്. മത്സരത്തിന്റെ ഏറ്റവും അവസാനത്തിൽ ലഭിച്ച ഫ്രീകിക്ക് മനോഹരമായി മെസ്സി വലയിൽ എത്തിക്കുകയായിരുന്നു. ഒന്നിനെതിരെ രണ്ട് ഗോളുകൾക്കാണ് മത്സരത്തിൽ ഇന്റർ മിയാമി വിജയിച്ചത്.

ഏതായാലും മത്സരശേഷം ലയണൽ മെസ്സി ആ ഫ്രീകിക്ക് ഗോളിനെ കുറിച്ച് സംസാരിച്ചിട്ടുണ്ട്. താൻ അസാധാരണമായി ഒന്നും ചെയ്തില്ലെന്നും സാധാരണ ഫ്രീകിക്ക് എടുക്കാറുള്ള പോലെ എടുത്തു എന്നുമാണ് മെസ്സി പറഞ്ഞിട്ടുള്ളത്. അദ്ദേഹത്തിന്റെ വാക്കുകൾ ഇങ്ങനെയാണ്.

“അവസാന മിനിട്ടിലെ വിജയ ഗോളിനെ കുറിച്ച് പറയുകയാണെങ്കിൽ ഞാൻ സാധാരണ ഫ്രീകിക്ക് എടുക്കുന്നതുപോലെ ഒരു ഫ്രീകിക്കിന് ശ്രമിച്ചു.ഞാൻ എപ്പോഴും ചെയ്യുന്നതുപോലെ തന്നെയാണ് ചെയ്തത്.തീർച്ചയായും അത് ഗോളായതിൽ ഞാൻ ഭാഗ്യവാനാണ്. എനിക്ക് വളരെയധികം സന്തോഷമുണ്ട് “ഇതാണ് ലയണൽ മെസ്സി പറഞ്ഞിട്ടുള്ളത്.

ഒരു വലിയ ഇടവേളക്ക് ശേഷമാണ് ഇപ്പോൾ ഇന്റർ മിയാമി വിജയം നേടുന്നത്.അതിനെ ലയണൽ മെസ്സി തന്നെ ഹേതുവാകു കയായിരുന്നു. ഏതായാലും മെസ്സി ആരാധകർക്ക് വളരെ സന്തോഷം നൽകുന്ന ഒരു കാഴ്ചയാണ് ഇന്ന് പുലർച്ചെ തന്നെ കാണാൻ കഴിഞ്ഞത്.