മെസ്സി കളത്തിലുണ്ടെങ്കിൽ ഞങ്ങൾക്ക് അവസരങ്ങൾ ഉറപ്പാണ് : ക്രിസ്റ്റോഫ് ഗാൾട്ടിയർ

ഇന്നലെ ലീഗ് വണ്ണിൽ നടന്ന മത്സരത്തിൽ വിജയം നേടാൻ ഫ്രഞ്ച് വമ്പൻമാരായ പിഎസ്ജിക്ക് സാധിച്ചിരുന്നു. എതിരില്ലാത്ത രണ്ട് ഗോളുകൾക്കായിരുന്നു പിഎസ്ജി വിജയം സ്വന്തമാക്കിയിരുന്നത്.സൂപ്പർ താരം ലയണൽ മെസ്സി മത്സരത്തിൽ ഒരു ഗോൾ സ്വന്തമാക്കുകയും ചെയ്തിരുന്നു. ഈ സീസണിൽ പിഎസ്ജിക്ക് വേണ്ടി മെസ്സി നേടുന്ന പതിമൂന്നാമത്തെ ഗോൾ ആണിത്.

ഏതായാലും ലയണൽ മെസ്സിയെ പ്രശംസിച്ചുകൊണ്ട് മത്സരശേഷം പിഎസ്ജിയുടെ പരിശീലകനായ ക്രിസ്റ്റോഫ് ഗാൾട്ടിയർ രംഗത്ത് വന്നിട്ടുണ്ട്. ലോകത്തിലെ ഏറ്റവും മികച്ച താരമായ മെസ്സിയെ ഒരിക്കൽ കൂടി കളത്തിൽ കാണാൻ സാധിച്ചു എന്നാണ് പിഎസ്ജി കോച്ച് പറഞ്ഞിട്ടുള്ളത്. മെസ്സി കളിക്കളത്തിൽ ഉണ്ടെങ്കിൽ ടീമിന് അവസരങ്ങൾ ഉറപ്പാണെന്നും പരിശീലകൻ കൂട്ടിച്ചേർത്തിട്ടുണ്ട്. അദ്ദേഹത്തിന്റെ വാക്കുകളെ ഗോൾ ഡോട്ട് കോം റിപ്പോർട്ട് ചെയ്തിരിക്കുന്നത് ഇങ്ങനെയാണ്.

” ഇന്ന് നമ്മൾ ഒരിക്കൽ കൂടി ലോകത്തിലെ ഏറ്റവും മികച്ച താരത്തെ കളിക്കളത്തിൽ കണ്ടു.തീർച്ചയായും ലയണൽ മെസ്സി ഈ മത്സരത്തിൽ കളിക്കാൻ ആഗ്രഹിച്ചിരുന്നു. ഫിസിക്കലായിട്ട് വളരെ മികച്ച രൂപത്തിലാണ് മെസ്സി കളിക്കളത്തിലേക്ക് മടങ്ങി എത്തിയിട്ടുള്ളത്.മെസ്സി കളത്തിൽ ഉണ്ടെങ്കിൽ ഞങ്ങൾക്ക് അവസരങ്ങൾ ഉറപ്പാണ്.ഈ മത്സരത്തിന്റെ മുഴുവൻ സമയവും കളിക്കാൻ അദ്ദേഹത്തിന് സാധിക്കുകയും ചെയ്തു. അതും നല്ല ഒരു കാര്യമാണ് ” ഇതാണ് ഇപ്പോൾ പിഎസ്ജിയുടെ പരിശീലകൻ പ്രൈം വീഡിയോയോട് പറഞ്ഞിട്ടുള്ളത്.

ഈ വർഷം മെസ്സി കളിച്ച ആദ്യ മത്സരത്തിൽ തന്നെ അദ്ദേഹത്തിന് ഇപ്പോൾ ഗോൾ നേടാൻ കഴിഞ്ഞിട്ടുണ്ട്. 2005 മുതൽ ഈ വർഷം വരെ എല്ലാ വർഷങ്ങളിലും മെസ്സി ഗോളുകൾ നേടിയിട്ടുണ്ട്. കരിയറിൽ ആകെ 794 ഗോളുകളാണ് ലയണൽ മെസ്സി പൂർത്തിയാക്കിയിട്ടുള്ളത്.