പിഎസ്ജി ചെറിയ ക്ലബ്ബാണ് : നെയ്മറുടെ ലൈക്ക് !

ഈ സീസണിൽ വളരെ മോശം പ്രകടനമാണ് ഫ്രഞ്ച് വമ്പൻമാരായ പിഎസ്ജി പുറത്തെടുക്കുന്നത്. ഇതിന്റെ ഫലമായി കൊണ്ട് പിഎസ്ജി ആരാധക കൂട്ടായ്മയായ അൾട്രാസ് വലിയ പ്രതിഷേധങ്ങൾ സംഘടിപ്പിച്ചിരുന്നു.നെയ്മറോടും മെസ്സിയോടും ക്ലബ്ബ് വിട്ട് പുറത്തു പോകാനായിരുന്നു ഇവർ പരസ്യമായി ആവശ്യപ്പെട്ടിരുന്നത്. നെയ്മർ ജൂനിയറുടെ വീടിന് മുന്നിൽ തടിച്ചു കൂടുകയും വലിയ പ്രതിഷേധ പരിപാടികൾ ഇവർ സംഘടിപ്പിക്കുകയും ചെയ്തിരുന്നു.

ഇതിനെതിരെ തുടക്കം മുതലേ നെയ്മർ ജൂനിയർ തന്റേതായ രീതിയിൽ പ്രതികരിച്ചു കൊണ്ടിരിക്കുന്നുണ്ട്. പിഎസ്ജി ആരാധകർ തന്റെ വീടിനു മുന്നിൽ പ്രതിഷേധം നടത്തി എന്നുള്ള കാര്യം നെയ്മർ തന്നെ ഇൻസ്റ്റഗ്രാമിലൂടെ സ്ഥിരീകരിച്ചിരുന്നു. മാത്രമല്ല അദ്ദേഹത്തിന്റെ സോഷ്യൽ മീഡിയയിലെ പല ആക്ടിവിറ്റികളും വലിയ രൂപത്തിൽ ചർച്ചയാവുകയും ചെയ്തു. ലയണൽ മെസ്സിയും നെയ്മർ ജൂനിയറും ബാഴ്സ ജേഴ്സിയിൽ സന്തോഷത്തോടെ കൂടി നിൽക്കുന്ന ഒരു ചിത്രം പ്രമുഖ മാധ്യമമായ TNT സ്പോർട്സ് പോസ്റ്റ് ചെയ്തിരുന്നു. മെസ്സിയും നെയ്മറും ബാഴ്സയിൽ ഹാപ്പിയായിരുന്നു എന്ന രൂപത്തിലായിരുന്നു അതിന്റെ ക്യാപ്ഷൻ.അതിന് നെയ്മർ ജൂനിയർ ലൈക്ക് ചെയ്തത് വലിയ ചർച്ചയായിട്ടുണ്ട്.

അതിനേക്കാൾ ഉപരി ഇപ്പോൾ വിവാദമായിട്ടുള്ളത് ഇൻസ്റ്റഗ്രാമിലെ ഒരു വീഡിയോക്ക് നെയ്മർ ലൈക്ക് നൽകിയതാണ്.പിഎസ്ജിയെ വലിയ രൂപത്തിൽ വിമർശിക്കുന്ന ഒരു വീഡിയോക്കാണ് നെയ്മർ ജൂനിയർ തന്റെ പിന്തുണ രേഖപ്പെടുത്തിയിട്ടുള്ളത്. യാതൊരുവിധ ഹിസ്റ്ററിയും ഇല്ലാത്ത വളരെ ചെറിയ ഒരു ക്ലബ്ബാണ് പിഎസ്ജി എന്നായിരുന്നു ആ വീഡിയോയിൽ പറഞ്ഞിരുന്നത്.കൂടാതെ അവരുടെ ആരാധകരെയും ആ വീഡിയോയിൽ വിമർശിച്ചിരുന്നു.

ആ വീഡിയോക്ക് നെയ്മർ ലൈക്ക് നൽകിയത് പലരും വലിയ വാർത്തയാക്കിയിട്ടുണ്ട്. ഏതായാലും ആരാധകരുടെ പ്രവർത്തിയിൽ നെയ്മർ കടുത്ത അസംതൃപ്തനാണ് എന്നുള്ളതിൽ സംശയങ്ങളൊന്നുമില്ല. മാത്രമല്ല വരുന്ന സമ്മർ ട്രാൻസ്ഫർ വിൻഡോയിൽ നെയ്മറെ ഒഴിവാക്കാൻ ക്ലബ്ബ് തീരുമാനിച്ചിട്ടുണ്ട്. പക്ഷേ നെയ്മർ എങ്ങോട്ട് പോകും എന്നുള്ളതാണ് ഇപ്പോൾ തികച്ചും അവ്യക്തമായ കാര്യം.