പിഎസ്ജിയും ബയേണും നേർക്കുനേർ,സ്റ്റാർട്ടിങ് ഇലവനിൽ മെസ്സിക്കൊപ്പം ആരൊക്കെ?

ഇന്ന് യുവേഫ ചാമ്പ്യൻസ് ലീഗിൽ നടക്കുന്ന രണ്ടാം പാദ പ്രീ ക്വാർട്ടർ പോരാട്ടത്തിൽ ബയേണും പിഎസ്ജിയും തമ്മിൽ ഒരിക്കൽ കൂടി ഏറ്റുമുട്ടുകയാണ്. ഇന്ന് രാത്രി ഇന്ത്യൻ സമയം 1:30ന് ബയേണിന്റെ മൈതാനത്ത് വെച്ചാണ് ഈ മത്സരം നടക്കുക.സ്വന്തം മൈതാനത്തെ ഏകപക്ഷീയമായ ഒരു ഗോളിന് പരാജയപ്പെട്ടതിനാൽ ഇന്നത്തെ മത്സരത്തിൽ പിഎസ്ജിക്ക് വിജയം അനിവാര്യമാണ്.

സൂപ്പർതാരം നെയ്മർ ജൂനിയർ പരിക്ക് മൂലം ഈ മത്സരത്തിൽ കളിക്കില്ല.അദ്ദേഹത്തിന്റെ അഭാവത്തിൽ ആരായിരിക്കും മുന്നേറ്റ നിരയിൽ ഇറങ്ങുക എന്നുള്ളതാണ് ഏവരും നോക്കുന്നത്. എന്നാൽ ലയണൽ മെസ്സിയും കിലിയൻ എംബപ്പേയും മാത്രമായിരിക്കും മുന്നേറ്റത്തിൽ ഉണ്ടാവുക.മറിച്ച് പ്രതിരോധനിരയുടെ ശക്തിയാണ് അവരുടെ പരിശീലകൻ വർദ്ധിപ്പിക്കുക.

പിഎസ്ജിയുടെ സാധ്യത ഇലവൻ നമുക്കൊന്ന് പരിശോധിക്കാം. ഗോൾകീപ്പർ ആയി കൊണ്ട് ഡോണ്ണാരുമ തന്നെയായിരിക്കും ഉണ്ടാവുക. 3 സെന്റർ ബാക്ക്മാരെ പിഎസ്ജി അണിനിരത്തും.സെർജിയോ റാമോസ്,മാർക്കിഞ്ഞോസ്,ഡാനിലോ പെരീര എന്നിവരായിരിക്കും ഉണ്ടാവുക. ഒരല്പം മുന്നോട്ട് കയറിക്കൊണ്ട് 2 വിങ്ങ് ബാക്ക്മാരും ഉണ്ടാവും.ഹക്കീമി,നുനോ മെന്റസ് എന്നിവർ ആയിരിക്കും ആ താരങ്ങൾ.

മിഡ്‌ഫീൽഡിൽ മൂന്ന് താരങ്ങളാണ് ഉണ്ടാവുക.വെറാറ്റിക്കൊപ്പം ഫാബിയാൻ റൂയിസ്,വീറ്റിഞ്ഞ എന്നിവരാണ് ഇറങ്ങുക. ലയണൽ മെസ്സിയും കിലിയൻ എംബപ്പേയും മുന്നേറ്റത്തിൽ ഉണ്ടാവുകയും ചെയ്യും. ഇതാണ് പിഎസ്ജിയുടെ സാധ്യത ഇലവൻ.ഒരു മികച്ച വിജയം ക്ലബ്ബ് നേടുമെന്നാണ് എല്ലാവരും പ്രതീക്ഷിക്കുന്നത്.