നെയ്മർ ക്ലബ്ബിൽ തുടരുമോ എന്നറിയില്ല : PSG കോച്ച്
സൂപ്പർ താരം നെയ്മർ ജൂനിയറെ കുറിച്ച് ട്രാൻസ്ഫർ ജാലകത്തിന്റെ തുടക്കത്തിൽ നിരവധി അഭ്യൂഹങ്ങൾ പ്രചരിച്ചിരുന്നു. നെയ്മർ ജൂനിയറെ പിഎസ്ജി ഒഴിവാക്കുമെന്നായിരുന്നു വാർത്തകൾ. എന്നാൽ നെയ്മർക്ക് അനുയോജ്യമായ ക്ലബ്ബിനെ കണ്ടെത്താൻ പിഎസ്ജിക്ക് സാധിച്ചിരുന്നില്ല. എന്നാൽ നെയ്മർ ക്ലബ്ബിനൊപ്പം ചേർന്നതോടെ ഈ റൂമറുകൾക്ക് താൽക്കാലിക വിരാമമായിരുന്നു.
എന്നാൽ നെയ്മറുമായി ബന്ധപ്പെട്ട വിഷയം ഇപ്പോൾ വീണ്ടും ഉയർന്നു വന്നിട്ടുണ്ട്.പിഎസ്ജിയുടെ പരിശീലകനായ ഗാൾട്ടിയർ തന്നെയാണ് ഇതിന് തുടക്കമിട്ടത്. നെയ്മർ ജൂനിയർ പിഎസ്ജിയിൽ തുടരുമോ എന്നുള്ള കാര്യം തനിക്കറിയില്ല എന്നാണ് ഗാൾട്ടിയർ പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.
🗣💬 Neymar a fait part ce samedi de sa volonté de poursuivre sa carrière au PSG cette saison, malgré les nombreuses spéculations sur son avenir : "Je veux toujours rester au club. Jusqu'à présent, le club ne m'a rien dit, donc je ne sais pas quels sont ses plans pour moi."
— RMC Sport (@RMCsport) July 23, 2022
“നെയ്മർ പിഎസ്ജിയിൽ തന്നെ തുടരുമോ എന്നുള്ള കാര്യം എനിക്കറിയില്ല. ഈ സീസണിന്റെ തുടക്കം മുതൽ നല്ല രൂപത്തിലാണ് നെയ്മർ മുന്നോട്ടുപോകുന്നത്. അദ്ദേഹം ഹാപ്പിയാണ് എന്നുള്ളതാണ് എനിക്ക് മനസ്സിലാകുന്നത്.അദ്ദേഹത്തിന്റെ സാഹചര്യങ്ങളെ കുറിച്ച് ഞാൻ ഒരു പത്രസമ്മേളനത്തിൽ നേരത്തെ വിശദീകരിച്ചതാണ്. പക്ഷേ അദ്ദേഹം ഈ ട്രാൻസ്ഫർ ജാലകത്തിൽ ക്ലബ്ബ് വിടുമോ അതല്ലെങ്കിൽ ക്ലബ്ബിൽ തന്നെ തുടരുമോ എന്നുള്ള കാര്യം എനിക്ക് ഇപ്പോഴും അറിയില്ല. പക്ഷേ ട്രെയിനിങ് സെഷനുകളിൽ അദ്ദേഹം ഹാപ്പിയാണ് ” ഇതാണ് ഗാൾട്ടിയർ പറഞ്ഞിട്ടുള്ളത്.
ചുരുക്കത്തിൽ നെയ്മർ ജൂനിയറെ പിഎസ്ജി വിൽക്കുമോ ഇല്ലയോ എന്നുള്ള കാര്യത്തിൽ ഇതുവരെ വ്യക്തത കൈവന്നിട്ടില്ല എന്നാണ് ഗാൾട്ടിയറുടെ വാക്കുകളിൽ നിന്നും വ്യക്തമാവുന്നത്.
