ഒരൊറ്റ അസിസ്റ്റ് പോലുമില്ലാതെ എംബപ്പേ,നിരവധി തവണ നൽകി മെസ്സിയും നെയ്മറും!

ഈ സീസണിൽ മികച്ച പ്രകടനമാണ് ഫ്രഞ്ച് വമ്പൻമാരായ പിഎസ്ജി പുറത്തെടുക്കുന്നത്. ഒരൊറ്റ മത്സരത്തിൽ പോലും ഈ സീസണിൽ പിഎസ്ജി പരാജയം അറിഞ്ഞിട്ടില്ല.ലീഗ് വണ്ണിലും യുവേഫ ചാമ്പ്യൻസ് ലീഗിലും പിഎസ്ജി തന്നെയാണ് മുന്നിട്ടുനിൽക്കുന്നത്. ഇതിന് ഏറ്റവും കൂടുതൽ നന്ദി പറയേണ്ടത് മെസ്സി,നെയ്മർ,എംബപ്പേ എന്നിവർ അടങ്ങിയ മുന്നേറ്റ നിരയോടാണ്.

മികച്ച പ്രകടനമാണ് ഈ മൂന്നു താരങ്ങളും ഈ സീസണിൽ നടത്തുന്നത്. ആകെ 43 ഗോൾ പങ്കാളിത്തങ്ങൾ ഈ സീസണിൽ ഇവർക്ക് വഹിക്കാൻ കഴിഞ്ഞിട്ടുണ്ട്. ഗോളുകൾ നേടിയും പരസ്പരം ഗോളടിപ്പിച്ചുമാണ് ഈ അറ്റാക്കിങ് നിര മുന്നോട്ടുപോകുന്നത്.

ഏതായാലും പിഎസ്ജിയിലെ അസിസ്റ്റിന്റെ ചില കണക്കുകൾ പ്രമുഖ മാധ്യമമായ ESPN എഫ്സി ഇപ്പോൾ പുറത്ത് വിട്ടിട്ടുണ്ട്. നമുക്ക് അതൊന്ന് പരിശോധിക്കാം.

നെയ്മറുടെ കാര്യത്തിലേക്ക് വന്നാൽ, നെയ്മർ 3 അസിസ്റ്റുകളാണ് മെസ്സിക്ക് ഈ സീസണിൽ ഇതുവരെ നൽകിയിട്ടുള്ളത്.അതേസമയം നെയ്മർ 3 അസിസ്റ്റുകൾ തന്നെ എംബപ്പേക്ക് നൽകിയിട്ടുണ്ട്. ബാക്കി വരുന്ന രണ്ട് അസിസ്റ്റുകൾ മറ്റു താരങ്ങൾക്കാണ് നെയ്മർ നൽകിയിട്ടുള്ളത്.

മെസ്സിയുടെ കാര്യത്തിലേക്ക് വരുമ്പോൾ,മെസ്സി മൂന്ന് അസിസ്റ്റുകളാണ് നെയ്മർക്ക് ഈ സീസണിൽ നൽകിയിട്ടുള്ളത്. അതേസമയം മെസ്സി 5 അസിസ്റ്റുകൾ എംബപ്പേക്ക് നൽകിയിട്ടുണ്ട്.ഇങ്ങനെ ആകെ 8 അസിസ്റ്റുകളാണ് മെസ്സി ഈ സീസണിൽ നേടിയിട്ടുള്ളത്. എന്നാൽ എംബപ്പേയുടെ കാര്യത്തിലേക്ക് വരുമ്പോൾ ഈ സീസണിൽ ഒരൊറ്റ അസിസ്റ്റ് പോലും നേടാൻ താരത്തിന് കഴിഞ്ഞിട്ടില്ല.

അതായത് നെയ്മർക്കോ മെസ്സിക്കോ ഗോളിന് വഴിയൊരുക്കാൻ എംബപ്പേക്ക് കഴിഞ്ഞിട്ടില്ല. അതേസമയം ഈ സീസണിൽ 10 മത്സരങ്ങളിൽ നിന്ന് 10 ഗോളുകൾ എംബപ്പേക്ക് നേടാൻ കഴിഞ്ഞിട്ടുണ്ട്. നെയ്മർ ഈ സീസണിൽ ആകെ 11 ഗോളുകളാണ് നേടിയിട്ടുള്ളത്. മെസ്സിയുടെ കാര്യത്തിലേക്ക് വരുമ്പോൾ 6 ഗോളുകൾ മെസ്സിയും നേടിയിട്ടുണ്ട്.

നിലവിൽ തങ്ങളുടെ രാജ്യങ്ങൾക്ക് വേണ്ടിയാണ് ഈ മൂന്ന് താരങ്ങളും ഇപ്പോൾ കളിച്ചു കൊണ്ടിരിക്കുന്നത്.ഇനി ഒക്ടോബർ ഒന്നാം തീയതി നടക്കുന്ന മത്സരത്തിലാണ് ഈ കൂട്ടുകെട്ടിനെ വീണ്ടും കളിക്കളത്തിൽ കാണാൻ ആവുക.