മെസ്സിയുടെ പെനാൽറ്റി ഗോളിൽ രക്ഷപ്പെട്ട് ബാഴ്സലോണ

ലാ ലിഗയിൽ ഇന്നലെ നടന്ന മത്സരത്തിൽ FC ബാഴ്സലോണ ഏക പക്ഷീയമായ ഒരു ഗോളിന് റയൽ സോസിഡാഡിനെ തോൽപ്പിച്ചു. ബാഴ്സയുടെ വിജയഗോൾ ലയണൽ മെസ്സിയാണ് നേടിയത്. ഈ വിജയത്തോടെ 27 മത്സരക്കിൽ 58 പോയിൻ്റുമായി ബാഴ്സ ലീഗ് ടേബിളിൽ ഒന്നാമതെത്തി.

ക്യാമ്പ് നൗവിൽ നടന്ന മത്സരത്തിൻ്റെ ആദ്യ പകുതി ഗോൾ രഹിതമായിരുന്നു. രണ്ടാം പകുതിയിലും ഇരു ടീമുകളും ഒപ്പത്തിനൊപ്പം. പൊരുതിയപ്പോൾ മത്സരത്തിൻ്റെ 80 മിനുട്ട് വരെ ഗോൾ അകന്ന് നിന്നു. ഒടുവിൽ എൺപത്തിയൊന്നാം മിനുട്ടിൽ ലഭിച്ച പെനാൽറ്റി ഗോളാക്കി മാറ്റി ലയണൽ മെസ്സിയാണ് ബാഴ്സക്ക് വിജയം സമ്മാനിച്ചത്. മത്സരത്തിൻ്റെ അന്തിമ നിമിഷത്തിൽ അവർ ഒരിക്കൽ കൂടി പന്ത് വലയിലാക്കിയിരുന്നെങ്കിലും VAR ചെക്ക് ചെയ്ത റഫറി ഓഫ് സൈഡ് വിധിക്കുകയായിരുന്നു.