മികച്ച ആക്രമണനിരയുമായി സിദാൻ, ഹുയസ്ക്കയെ നേരിടാനുള്ള റയലിന്റെ സ്‌ക്വാഡ് തയ്യാർ !

ലാലിഗയിൽ എസ് ഡി ഹുയസ്ക്കയെ നേരിടാനുള്ള റയൽ മാഡ്രിഡിന്റെ സ്‌ക്വാഡ് പരിശീലകൻ സിദാൻ പ്രഖ്യാപിച്ചു. ഇരുപത്തിരണ്ട് അംഗ സ്‌ക്വാഡ് ആണ് സിദാൻ പുറത്തു വിട്ടിട്ടുള്ളത്. സൂപ്പർ താരങ്ങൾ എല്ലാം തന്നെ സ്‌ക്വാഡ് ഉൾപ്പെട്ടിട്ടുണ്ട്. പരിക്കേറ്റ താരങ്ങൾ ആരും തന്നെ തിരിച്ചെത്തിയിട്ടില്ല. ഡാനി കാർവഹൽ, അൽവാരോ ഓഡ്രിയോസോള, നാച്ചോ, മാർട്ടിൻ ഒഡീഗാർഡ്, എന്നിവരെല്ലാം പുറത്താണ്. സൂപ്പർ താരം ഈഡൻ ഹസാർസ് സ്‌ക്വാഡിലുണ്ട്. കഴിഞ്ഞ ലാലിഗയിൽ നടന്ന മത്സരത്തിൽ ഒന്നിനെതിരെ മൂന്ന് ഗോളുകൾക്കാണ് റയൽ ബാഴ്‌സയെ തകർത്തു വിട്ടത്. എന്നാൽ അതിന് ശേഷം ചാമ്പ്യൻസ് ലീഗിൽ കളിച്ച മത്സരത്തിൽ ബൊറൂസിയ മോൺഷെൻഗ്ലാഡ്ബാഷിനോട്‌ 2-2 ന്റെ സമനില വഴങ്ങിയിരുന്നു.അതിന്റെ ക്ഷീണം തീർക്കാനുറച്ചാവും ഇന്ന് റയൽ മാഡ്രിഡ്‌ കളത്തിലിറങ്ങുക. ഇന്ന് വൈകീട്ട് 6:30-ന് റയൽ മാഡ്രിഡിന്റെ മൈതാനത്തു വെച്ചാണ് മത്സരം നടക്കുക.

ഒമ്പത് മുന്നേറ്റനിര താരങ്ങളെ ഉൾപ്പെടുത്തിയാണ് സിദാൻ സ്‌ക്വാഡ് പ്രഖ്യാപിച്ചിട്ടുള്ളത്. ഹസാർഡ്, ബെൻസിമ, അസെൻസിയോ, വാസ്‌ക്കസ്, ജോവിച്ച്, വിനീഷ്യസ്, മരിയാനോ, റോഡ്രിഗോ എന്നിവരാണ് ടീമിൽ ഉൾപ്പെട്ട ആക്രമണനിരക്കാർ. എന്നാൽ ഹസാർഡിന് ആദ്യ ഇലവനിൽ സ്ഥാനം ലഭിച്ചേക്കില്ല എന്നാണ് റിപ്പോർട്ടുകൾ. പകരം വിനീഷ്യസ് തന്നെ ഇറങ്ങുമെന്നാണ് മാർക്കയുടെ റിപ്പോർട്ട്‌ പറയുന്നത്. മത്സരത്തിന്റെ സാധ്യത ലൈനപ്പ് താഴെ നൽകുന്നു.

Real Madrid: Thibaut Courtois; Lucas Vazquez, Eder Militao, Sergio Ramos, Marcelo; Casemiro, Toni Kroos, Luka Modric; Vinicius, Karim Benzema and Marco Asensio.

Huesca: Andres Fernandez; Pablo Maffeo, Jorge Pulido, Dimitris Siovas, Gaston Silva; Pedro Mosquera, Jaime Seoane, David Ferreiro, Sandro Ramirez, Javi Ontiveros; Rafa Mir.