വൈറൽ വീഡിയോ, മെസ്സിയെ തിരിച്ചറിഞ്ഞ് എൻസോ,ഐഡോളെന്ന് താരം!

ഈ ഇന്റർനാഷണൽ ബ്രേക്ക് കളിച്ച രണ്ടു മത്സരങ്ങളിൽ ഒരു തോൽവിയും ഒരു വിജയവുമാണ് ലോക ചാമ്പ്യന്മാരായ അർജന്റീന സ്വന്തമാക്കിയിട്ടുള്ളത്.ഉറുഗ്വയോട് അർജന്റീന എതിരില്ലാത്ത രണ്ടു ഗോളുകൾക്ക് പരാജയപ്പെട്ടിരുന്നു. പക്ഷേ അതിനുശേഷം നടന്ന മത്സരത്തിൽ ബ്രസീലിന് അവരുടെ മൈതാനത്ത് വെച്ചുകൊണ്ട് പരാജയപ്പെടുത്താൻ അർജന്റീന സാധിച്ചിരുന്നു. അത് തീർച്ചയായും അവർക്ക് ഏറെ ആത്മവിശ്വാസം പകർന്നു നൽകുന്ന കാര്യമാണ്.

ഈ മത്സരങ്ങളിൽ അർജന്റീനക്ക് വേണ്ടി കളിക്കാൻ ചെൽസിയുടെ സൂപ്പർ താരമായ എൻസോ ഫെർണാണ്ടസിന് സാധിച്ചിരുന്നു. ഇപ്പോഴിതാ അദ്ദേഹവുമായി ബന്ധപ്പെട്ട ഒരു വീഡിയോ ആമസോൺ പ്രൈം പുറത്ത് വിട്ടിട്ടുണ്ട്. ഒരു ചാലഞ്ചാണ് ഇവർ നടത്തിയിട്ടുള്ളത്. ഒരു മിസ്റ്റീരിയസ് ബോക്സിൽ നിന്നും ഒരു വസ്തു എടുത്ത് അത് തിരിച്ചറിയാൻ എൻസോയോട് ആവശ്യപ്പെടുകയായിരുന്നു. ലയണൽ മെസ്സിയുടെ മാസ്ക്കായിരുന്നു അതിൽ ഉണ്ടായിരുന്നത്. അത് കൃത്യമായി തിരിച്ചറിയാൻ എൻസോ ഫെർണാണ്ടസിന് സാധിച്ചു. ഇതിനുശേഷം ലയണൽ മെസ്സിയെ കുറിച്ച് ഇദ്ദേഹം ചില കാര്യങ്ങൾ പറഞ്ഞിട്ടുണ്ട്.എൻസോയുടെ വാക്കുകൾ ഇങ്ങനെയാണ്.

” ലയണൽ മെസ്സി എന്റെ ഐഡോളാണ്. മാത്രമല്ല എന്നെ സംബന്ധിച്ചിടത്തോളം അദ്ദേഹം വളരെ സ്പെഷ്യൽ ആയിട്ടുള്ള ഒരു വ്യക്തി കൂടിയാണ്. മെസ്സി എല്ലാവരുടെയും ഐഡോളാണ്.വളരെ മികച്ച ഒരു വ്യക്തി കൂടിയാണ്. ഞാൻ അദ്ദേഹത്തെ ഒരുപാട് ഇഷ്ടപ്പെടുന്നു ” ഇതാണ് എൻസോ ഫെർണാണ്ടസ് പറഞ്ഞിട്ടുള്ളത്.

അർജന്റീന വേൾഡ് കപ്പ് യോഗ്യത മത്സരങ്ങൾ പൂർത്തിയാക്കിയപ്പോൾ അഞ്ചിലും വിജയിക്കാൻ അവർക്ക് കഴിഞ്ഞിട്ടുണ്ട്.15 പോയിന്റുള്ള അർജന്റീന തന്നെയാണ് ടേബിളിൽ ഒന്നാം സ്ഥാനത്ത്. രണ്ടാം സ്ഥാനത്ത് ഉറുഗ്വയാണ് വരുന്നത്.അതേസമയം ബ്രസീൽ ആറാം സ്ഥാനത്തേക്ക് പിന്തള്ളപെട്ടിട്ടുണ്ട്.6 മത്സരങ്ങളിൽ നിന്ന് കേവലം 7 പോയിന്റുകൾ മാത്രമാണ് അവർക്കുള്ളത്.