വൈറൽ വീഡിയോ,തരംഗമായി മെസ്സി, സൂപ്പർ താരത്തെ പൊതിഞ്ഞ് ആരാധകർ!

സൂപ്പർ താരം ലയണൽ മെസ്സി പാരീസിൽ ഒരു ബുദ്ധിമുട്ടേറിയ സമയത്തിലൂടെയാണ് കടന്നുപോയിക്കൊണ്ടിരിക്കുന്നത്. ചാമ്പ്യൻസ് ലീഗിൽ നിന്നും പുറത്തായതിന് പിന്നാലെ പിഎസ്ജി ആരാധകർ ലയണൽ മെസ്സിയെ വേട്ടയാടിയിരുന്നു. കഴിഞ്ഞ മത്സരത്തിനിടെ പിഎസ്ജി ആരാധകർ തന്നെ ലയണൽ മെസ്സിയെ കൂവി വിളിക്കുകയും അത് വലിയ വിവാദമാവുകയും ചെയ്തിരുന്നു.

എന്നാൽ അർജന്റീനയിൽ മെസ്സിക്ക് ഇപ്പോൾ സുവർണ്ണ നാളുകളാണ്. അർജന്റീനയുടെ ഏറെ കാലത്തെ കിരീട വരൾച്ചക്ക് കോപ്പ അമേരിക്കയിലൂടെ വിരാമമിടാൻ മെസ്സിക്ക് കഴിഞ്ഞു. മാത്രമല്ല ദീർഘകാലത്തിനുശേഷം ഒരു വേൾഡ് കപ്പ് കിരീടവും മെസ്സി അർജന്റീനക്ക് നേടിക്കൊടുത്തു.അതുകൊണ്ടുതന്നെ പലരും ദൈവതുല്യനായി കൊണ്ടാണ് ലയണൽ മെസ്സിയെ കാണുന്നത്. അതിനുള്ള ഒരു ഉത്തമ ഉദാഹരണമാണ് ഇന്നലെ അർജന്റീനയിലെ ഒരു റസ്റ്റോറന്റിൽ കണ്ടത്.

ബ്യൂണസ് ഐറിസിലെ ഒരു റസ്റ്റോറന്റിൽ ലയണൽ മെസ്സി ഭക്ഷണം കഴിക്കാൻ വേണ്ടി എത്തിയിരുന്നു. ലയണൽ മെസ്സി എത്തിയ വിവരം അറിഞ്ഞ അർജന്റീന ആരാധകർ ആ റസ്റ്റോറന്റിന് മുന്നിൽ തടിച്ചു കൂടുകയായിരുന്നു. പിന്നീട് വളരെ ബുദ്ധിമുട്ടി കൊണ്ടാണ് ലയണൽ മെസ്സിക്ക് പുറത്ത് കടക്കാൻ ആയത്.ലയണൽ മെസ്സി ആരാധകർ അക്ഷരാർത്ഥത്തിൽ പൊതിയുന്ന ഒരു കാഴ്ചയായിരുന്നു അവിടെ കാണാൻ സാധിച്ചിരുന്നത്.

ഇതിന്റെ വീഡിയോകൾ ഇപ്പോൾ ട്വിറ്റർ ഉൾപ്പെടെയുള്ള സാമൂഹിക മാധ്യമങ്ങളിൽ വളരെയധികം വൈറലായിട്ടുണ്ട്. രണ്ട് സൗഹൃദ മത്സരങ്ങൾ കളിക്കാൻ വേണ്ടിയാണ് ലയണൽ മെസ്സി ഇപ്പോൾ അർജന്റീനയിൽ തിരിച്ചെത്തിയിരിക്കുന്നത്. ഈ സൗഹൃദ മത്സരങ്ങൾക്ക് ശേഷം സ്വന്തം ആരാധകർക്ക് മുന്നിൽ വച്ച് കിരീട നേട്ടം ആഘോഷിക്കാൻ അർജന്റീന ഫുട്ബോൾ അസോസിയേഷൻ തീരുമാനിച്ചിട്ടുണ്ട്. വലിയ ആഘോഷ പരിപാടികളാണ് ഇവർ സംഘടിപ്പിച്ചിരിക്കുന്നത്.