മെസ്സി കിരീടം നേടുന്നത് നല്ല കാര്യം, പക്ഷേ ഞങ്ങൾക്ക് ഈ വേൾഡ് കപ്പ് വേണം : ഡെമ്പലെ

ഖത്തർ വേൾഡ് കപ്പിന്റെ കലാശ പോരാട്ടത്തിൽ അർജന്റീനയും ഫ്രാൻസും തമ്മിലാണ് ഏറ്റുമുട്ടുന്നത്. നാളെ രാത്രി ഇന്ത്യൻ സമയം 8:30 നാണ് ഈ പോരാട്ടം അരങ്ങേറുക. ലയണൽ മെസ്സിയും ഡെമ്പലെയും നേർക്കുനേർ വരുന്നു എന്ന ഒരു പ്രത്യേകത കൂടി ഈ മത്സരത്തിനുണ്ട്. എന്തെന്നാൽ ഇരുവരും ഒരുപാടുകാലം എഫ്സി ബാഴ്സലോണയിൽ സഹതാരങ്ങൾ ആയിക്കൊണ്ട് കളിച്ചിട്ടുണ്ട്.

ഇപ്പോഴിതാ ഈ ഫൈനൽ മത്സരത്തിന് മുന്നേ നടന്ന പ്രസ് കോൺഫറൻസിൽ മെസ്സിയെ കുറിച്ച് ഡെമ്പലെ സംസാരിച്ചിട്ടുണ്ട്. മെസ്സി വേൾഡ് കപ്പ് കിരീടം നേടുകയാണെങ്കിൽ അദ്ദേഹത്തിന്റെ കരിയറിന് അതൊരു നല്ല കാര്യമായിരിക്കുമെന്നും എന്നാൽ ഈ വേൾഡ് കപ്പ് ഫ്രാൻസിന് വേണം എന്നുമാണ് ഡെമ്പലെ പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” ഞങ്ങൾ ഫ്രാൻസ് ടീമിന് വേണ്ടി കളിക്കുന്നവരാണ്. ഞങ്ങൾ മൂന്നാമത്തെ വേൾഡ് കപ്പ് കിരീടത്തിന് വേണ്ടിയാണ് പോരാടുന്നത്.ലയണൽ മെസ്സി വേൾഡ് കപ്പ് നേടുകയാണെങ്കിൽ അദ്ദേഹത്തിന്റെ കരിയറിന് അതൊരു നല്ല കാര്യമായിരിക്കും.പക്ഷേ ഈ വേൾഡ് കപ്പ് കിരീടം ഞങ്ങൾക്ക് വേണം.മെസ്സിക്ക് മഹത്തായ ഒരു കരിയർ തന്നെയുണ്ട്.പക്ഷേ വേൾഡ് കപ്പ് നേടാൻ മാത്രം അദ്ദേഹത്തിന് കഴിഞ്ഞിട്ടില്ല. എന്നിരുന്നാൽ പോലും ഈ കിരീടം നേരം ഞങ്ങൾ ആഗ്രഹിക്കുന്നുണ്ട്. അതിന് സാധിക്കുമെന്ന് തന്നെയാണ് ഞാൻ പ്രതീക്ഷിക്കുന്നത് ” ഇതാണ് ഇപ്പോൾ ഡെമ്പലെ പറഞ്ഞിട്ടുള്ളത്.

ഇരു ഭാഗത്തും മികച്ച താരനിര തന്നെ അണിനിരക്കുന്നുണ്ട്. ക്രൊയേഷ്യയെ തകർത്തുവിട്ട് കൊണ്ടാണ് അർജന്റീന ഫൈനലിൽ പ്രവേശിച്ചതെങ്കിൽ മൊറോക്കോയ കീഴടക്കി കൊണ്ടാണ് ഫ്രാൻസ് ഇപ്പോൾ കലാശ പോരാട്ടത്തിന് വരുന്നത്.