മെസ്സിയെ മൈൻഡ് ചെയ്യാത്ത CR7 ഫാൻബോയ് എന്ന പ്രചരണം,മറുപടി നൽകി ഗർനാച്ചോ

കഴിഞ്ഞ കോപ്പ അമേരിക്ക ഫൈനലിൽ കൊളംബിയയെ തോൽപ്പിച്ചു കൊണ്ടായിരുന്നു അർജന്റീന കിരീടം നിലനിർത്തിയത്. ഈ ടീമിന്റെ ഭാഗമാവാൻ മാഞ്ചസ്റ്റർ യുണൈറ്റഡ് യുവ സൂപ്പർതാരമായ അലജാൻഡ്രോ ഗർനാച്ചോക്ക് സാധിച്ചിരുന്നു. താരത്തിന് അവസരങ്ങൾ കുറവായിരുന്നുവെങ്കിലും ഈ കിരീടനേട്ടത്തിന്റെ ഭാഗമാവാൻ കഴിഞ്ഞിട്ടുണ്ട്.

കഴിഞ്ഞ ദിവസം ഒരു മാഞ്ചസ്റ്റർ യുണൈറ്റഡ് ആരാധകൻ തന്റെ എക്സ് അക്കൗണ്ടിൽ ഒരു വീഡിയോ പങ്കുവെച്ചിരുന്നു.ഗർനാച്ചോ ലയണൽ മെസ്സിയെ ഒട്ടും മൈൻഡ് ചെയ്യുന്നില്ല എന്ന ക്യാപ്ഷനാണ് അദ്ദേഹം നൽകിയിട്ടുള്ളത്.ഗർനാച്ചോ മെസ്സിയെ അവഗണിക്കുന്ന രൂപത്തിലുള്ള ഒരു വീഡിയോയും അദ്ദേഹം പുറത്തുവിട്ടിട്ടുണ്ട്. ഒരു യഥാർത്ഥ റൊണാൾഡോ ഫാൻ ബോയ് എന്നും ഇതിന്റെ ക്യാപ്ഷൻ നൽകിയിട്ടുണ്ട്.എന്നാൽ ഗർനാച്ചോ തന്നെ ഇതിന് മറുപടി നൽകിയിട്ടുണ്ട്.

ലയണൽ മെസ്സിയെ ഹഗ് ചെയ്യുന്ന ഒരു ചിത്രമാണ് ഇതിന് മറുപടിയായി കൊണ്ട് അദ്ദേഹം നൽകിയിട്ടുള്ളത്. അതായത് ഈ വ്യാജ പ്രചരണത്തെ പൊളിച്ചടുക്കുകയാണ് ഇത് വഴി ഗർനാച്ചോ ചെയ്തിട്ടുള്ളത്.താനും മെസ്സിയും തമ്മിൽ യാതൊരുവിധ പ്രശ്നങ്ങളും ഇല്ല എന്ന് ഗർനാച്ചോ ഇതിലൂടെ വ്യക്തമാക്കുകയാണ് ചെയ്തിട്ടുള്ളത്.ഏതായാലും താരത്തിന്റെ ഈ മറുപടി സാമൂഹിക മാധ്യമങ്ങളിൽ ശ്രദ്ധ പിടിച്ചു പറ്റിയിട്ടുണ്ട്.