മെസ്സിയെ ഇനി എന്ന് കളിക്കളത്തിൽ കാണാനാവും?

ലയണൽ മെസ്സി തന്റെ കരിയറിലെ ഏറ്റവും മനോഹരമായ നിമിഷത്തിലൂടെയാണ് ഇപ്പോൾ കടന്നുപോകുന്നത്. ഖത്തർ വേൾഡ് കപ്പ് കിരീടം ചൂടാൻ മെസ്സിക്ക് സാധിച്ചിട്ടുണ്ട്. ലയണൽ മെസ്സി തന്നെയാണ് അർജന്റീനയെ മുന്നിൽ നിന്നും നയിച്ചത്.ഏറ്റവും മികച്ച താരത്തിനുള്ള ഗോൾഡൻ ബോൾ പുരസ്കാരം മെസ്സിയാണ് കരസ്ഥമാക്കിയിട്ടുള്ളത്.

എന്നാൽ ലയണൽ മെസ്സി പിഎസ്ജിക്ക് വേണ്ടി എന്ന് കളിക്കളത്തിൽ തിരിച്ചെത്തും എന്നുള്ള കാര്യം അവ്യക്തമാണ്. നിലവിൽ മെസ്സിയുള്ളത് അർജന്റീനയിലാണ്.പിഎസ്ജിയോടൊപ്പം എന്ന് ട്രെയിനിങ് നടത്തും എന്നുള്ള തീരുമാനിക്കപ്പെട്ടിട്ടില്ല.പിഎസ്ജി അടുത്ത മത്സരം കളിക്കുക ഈ മാസം 28ആം തിയ്യതിയാണ്.ആ മത്സരത്തിന് മെസ്സി ഉണ്ടാവില്ല എന്നുള്ള കാര്യം ഉറപ്പായി കഴിഞ്ഞിട്ടുണ്ട്.

പിന്നീട് ജനുവരി രണ്ടാം തീയതി പിഎസ്ജി ലീഗ് വണ്ണിൽ മറ്റൊരു മത്സരം കളിക്കുന്നുണ്ട്.ആ മത്സരത്തിന് മെസ്സി ഉണ്ടാവുമോ എന്നുള്ളത് സംശയകരമാണ്. ജനുവരി പന്ത്രണ്ടാം തീയതി നടക്കുന്ന ലീഗ് വൺ മത്സരത്തിൽ മെസ്സി ഉണ്ടാകുമെന്ന് തന്നെയാണ് പ്രതീക്ഷിക്കപ്പെടുന്നത്. അതേസമയം സൂപ്പർ താരങ്ങളായ നെയ്മർ ജൂനിയറും കിലിയൻ എംബപ്പേയും അടുത്ത മത്സരത്തിൽ തന്നെ ഉണ്ടാവും എന്നാണ് പ്രതീക്ഷിക്കപ്പെടുന്നത്.

വേൾഡ് കപ്പിൽ മികച്ച പ്രകടനം മെസ്സി പുറത്തെടുത്തിരുന്നു.ഏഴു ഗോളുകളും മൂന്ന് അസിസ്റ്റുകളും ആയിരുന്നു അദ്ദേഹം നേടിയിരുന്നത്.ഈ ലീഗ് വണ്ണിലും മെസ്സി തകർപ്പൻ പ്രകടനമാണ് പുറത്തെടുക്കുന്നത്. 7 ഗോളുകളും 10 അസിസ്റ്റുകളും ഈ ലിഗ് വണ്ണിൽ അദ്ദേഹം നേടി കഴിഞ്ഞിട്ടുണ്ട്.