മെസ്സിയെത്തി,ഇറ്റലിയെ നേരിടാനുള്ള അർജന്റീനയുടെ സാധ്യത ഇലവൻ ഇതാ!

ഫുട്ബോൾ ലോകം കാത്തുകാത്തിരിക്കുന്ന ഫൈനലിസിമ പോരാട്ടത്തിന് വേണ്ടിയുള്ള ഒരുക്കത്തിലാണ് നിലവിൽ അർജന്റൈൻ ടീമുള്ളത്.യൂറോപ്യൻ ചാമ്പ്യൻമാരായ ഇറ്റലിയാണ് അർജന്റീനയുടെ എതിരാളികൾ. ജൂൺ ഒന്നാം തീയതി രാത്രി ഇന്ത്യൻ സമയം 12:15-ന് വെബ്ലിയിൽ വെച്ചാണ് ഈ പോരാട്ടം അരങ്ങേറുക.

ഈ മത്സരത്തിനുള്ള ഒരുക്കങ്ങൾ അർജന്റീന ആരംഭിച്ചു കഴിഞ്ഞിരുന്നു. സ്പെയിനിലെ ബിൽബാവോയിലാണ് അർജന്റീന പരിശീലനം നടത്തുന്നത്. സൂപ്പർ താരം ലയണൽ മെസ്സി ടീമിനൊപ്പം ചേർന്നു കൊണ്ട് കഴിഞ്ഞ ദിവസം പരിശീലനം ആരംഭിച്ചിട്ടുണ്ട്.പരേഡസ്,ഡി മരിയ എന്നിവർക്കൊപ്പമാണ് മെസ്സി ക്യാമ്പിൽ എത്തിച്ചേർന്നിട്ടുള്ളത്.

ഏതായാലും കഴിഞ്ഞ ദിവസത്തെ പരിശീലനത്തിന്റെ അടിസ്ഥാനത്തിൽ പ്രമുഖ അർജന്റൈൻ മാധ്യമമായ TYC സ്പോർട്സ് ഒരു സാധ്യത ഇലവൻ പുറത്തു വിട്ടിട്ടുണ്ട്. നമുക്ക് അതൊന്നു പരിശോധിക്കാം.

എമിലിയാനോ മാർട്ടിനസ്,നൂഹേൽ മൊളീന, ക്രിസ്‌റ്റ്യൻ റൊമേറോ,നിക്കോളാസ് ഓട്ടമെന്റി,മാർക്കോസ് അക്കൂഞ്ഞ, റോഡ്രിഗോ ഡി പോൾ,ഗിഡോ റോഡ്രിഗസ്,ജിയോവാനി ലോ സെൽസോ,മെസ്സി,ലൗറ്ററോ മാർട്ടിനെസ്,എയ്ഞ്ചൽ ഡി മരിയ.

ഇതാണ് സാധ്യത ഇലവൻ. പക്ഷേ വരുന്ന പരിശീലനത്തിന്റെ അടിസ്ഥാനത്തിൽ ഇതിൽ മാറ്റമുണ്ടായേക്കാം.