മെസ്സി,ക്രിസ്റ്റ്യാനോ,നെയ്മർ എന്നിവർക്ക് മാറിനിൽക്കാം, വേൾഡ് കപ്പിൽ എംബപ്പേയാണ് താരം!

ഇന്നലെ വേൾഡ് കപ്പിൽ നടന്ന മത്സരത്തിൽ ഒന്നിനെതിരെ മൂന്നു ഗോളുകൾക്കായിരുന്നു പോളണ്ടിനെ ഫ്രാൻസ് പരാജയപ്പെടുത്തിയത്. സൂപ്പർ താരം കിലിയൻ എംബപ്പേയാണ് ഫ്രാൻസിന് വിജയം നൽകിയത്. രണ്ട് ഗോളുകളും ഒരു അസിസ്റ്റുമാണ് എംബപ്പേയുടെ സമ്പാദ്യം. ഇതോടുകൂടി വേൾഡ് കപ്പിന്റെ ചരിത്രത്തിൽ ആകെ 9 ഗോളുകൾ പൂർത്തിയാക്കാൻ എംബപ്പേക്ക് കഴിഞ്ഞിട്ടുണ്ട്.

ഇപ്പോൾ സജീവമായ താരങ്ങൾ വേൾഡ് കപ്പിൽ ഏറ്റവും കൂടുതൽ ഗോളുകൾ നേടിയ രണ്ടാമത്തെ താരം എംബപ്പേയാണ്. 11 മത്സരങ്ങളിൽ നിന്ന് 9 ഗോളുകളാണ് എംബപ്പേയുടെ സമ്പാദ്യം.17 മത്സരങ്ങളിൽ നിന്ന് 10 ഗോളുകൾ ഉള്ള തോമസ് മുള്ളറാണ് ഇക്കാര്യത്തിൽ എംബപ്പേയുടെ മുന്നിലുള്ളത്.

ലയണൽ മെസ്സിയും ക്രിസ്റ്റ്യാനോ റൊണാൾഡോയും നെയ്മർ ജൂനിയറുമൊക്കെ എംബപ്പേക്ക് പിറകിലാണ്.മെസ്സിക്ക് വേൾഡ് കപ്പിൽ ആകെ 9 ഗോളുകൾ ഉണ്ടെങ്കിലും 23 മത്സരങ്ങൾ അദ്ദേഹത്തിന് കളിക്കേണ്ടി വന്നിട്ടുണ്ട്. 20 മത്സരങ്ങൾ കളിച്ച റൊണാൾഡോയുടെ സമ്പാദ്യം എട്ടു ഗോളുകളാണ്. 11 മത്സരങ്ങൾ കളിച്ച നെയ്മർ ആറ് ഗോളുകളും നേടിയിട്ടുണ്ട്.

ഏതായാലും ആക്ടീവായ താരങ്ങളിൽ വേൾഡ് കപ്പിൽ ഏറ്റവും കൂടുതൽ ഗോളുകൾ നേടിയ താരങ്ങളുടെ ലിസ്റ്റ് താഴെ നൽകുന്നു.